បាត់ដំបង៖ដោយសារផ្ទុះជម្ងឺកូវីដ-១៩ ធ្វើឱ្យអ្នកហូបពងទា និងអ្នកលក់មានការកាត់បន្ថយនោះ សេចក្តីប្រកាសព័ត៌មានរបស់មន្ទីរកសិកម្ម រុក្ខាប្រមាញ់និងនេសាទ ខេត្តបាត់ដំបង ទាក់ទងទៅនឹងតម្លៃស៊ុតទា នាពេលបច្ចុប្បន្ន ។
បើតាមសេចក្តីប្រកាសព័ត៌មាន នៅថ្ងៃទី២៣ ខែធ្នូ ឆ្នាំ២០២០ ក្រុមការងារការិយាល័យផលិកម្ម និងបសុព្យាបាល ដឹកនាំដោយ លោកប្រធានមន្ទីរ បានចុះជួបផ្ទាល់ជាមួយ លោក ជុំ សំវ័ន ជាកសិករចិញ្ចឹមទាយកពង នៅភូមិគោកខ្ពស់ ឃុំរូងជ្រៃ ស្រុកថ្មគោល ខេត្តបាត់ដំបង។ គាត់បានប្រកបមុខ របរចិញ្ចឹមទា អស់រយៈពេល១០ឆ្នាំ។
លោក ជុំ សំវ័ន ជាកសិករចិញ្ចឹមទាយកពង នៅភូមិគោកខ្ពស់ ឃុំរូងជ្រៃ ស្រុកថ្មគោល ខេត្តបាត់ដំបងបានលើកឡើងមូលហេតុពីការធ្លាក់ថ្លៃពងទា បណ្តាលមកពី៖
១-ទាប្រដេញតាមវាលស្រែនាំចូល ពីក្រៅខេត្ត វាស៊ីចំណីតាមវាលស្រែដែលធ្វើឱ្យការចំណាយថ្លៃដើមតិច ជាងទារបស់គាត់ដែលចិញ្ចឹមក្នុងទ្រូងដោយចំណាយថ្លៃដើមច្រើន។
២» គាត់បានលើកពីសម្ដីរបស់ឈ្មួញដែលបានទិញពងទាគាត់ថា ដោយសារផ្ទុះជម្ងឺកូវីដ-១៩ ធ្វើឱ្យអ្នកហូប និងអ្នកលក់មានការកាត់បន្ថយ។
មន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបងសូមធ្វើការបដិសេធចំពោះហេតុផលថាពងទាធ្លាក់ថ្លៃ ដែលបណ្តាលមកពីការនាំពងទាចូលពីប្រទេសជិតខាង (ពិសេសប្រទេសវៀតណាម )៕ រក្សាសិទ្ធិដោយ៖បញ្ញាស័ក្តិ
