ភ្នំពេញៈ បន្ទាប់ពីរកឃើញមានភាពមិនប្រក្រតតីមួយចំនួន អាជ្ញាធរពាក់ព័ន្ធបានចុះបិទទីតាំងលក់ផលិតផលយីហោ “ស្រីនាងសម្រស់ធម្មជាតិ” ស្ថិតនៅផ្លូវតាមបណ្តោយផ្លូវ លោកតាណឺយ ក្នុងភូមិដកពោធិ៍ សង្កាត់ ស្លក្រាម ក្រុងសៀមរាប កាលពីរសៀលថ្ងៃទី២៥ ខែធ្នូ ឆ្នាំ២០២០។
ទីតាំងលក់ផលិតផលឱសថបំប៉នសុខភាពមានយីហោឈ្មោះ ស្រីនាង សម្រស់ធម្មជាតិ ដែលមានម្ចាស់ឈ្មោះ ម៉ុន ស្រីនាង ភេទ ស្រី អាយុ ៣០ឆ្នាំ។
ប្រធានការិយាល័យនិយ័តកម្ម នៃ មន្ទីរសុខាភិបាលខេត្តសៀមរាប លោកស្រីវេជ្ជបណ្ឌិត លី វណ្ណៈបានបញ្ជាក់ថា ទីតាំងលក់ផលិតផលយីហោ “ស្រីនាងសម្រស់ធម្មជាតិ” គឺមិនទាន់បានចុះប្រវេទ បានន័យថា ខុសច្បាប់គ្រប់គ្រងឱសថ និងគ្រប់គ្រងគ្រឿងសម្អាង។ មិនតែប៉ុណ្ណោះថែមទាំងបានផ្សព្វផ្សាយថា ព្យាបាលជំងឺជាតាមរយៈការប្រើប្រាស់ផលិតផលនេះថែមទៀតផង។
លោកស្រីវេជ្ជបណ្ឌិត លី វណ្ណៈ បានបញ្ជាក់ថា ផលិតផលនេះ (សម្រស់ធម្មជាតិ) គ្រាន់តែជាប្រភេទ អាហារបំប៉នសុខភាពតែប៉ុណ្ណោះ ម្ចាស់ទីតាំងបានផ្សព្វផ្សាយថា ព្យាបាលគីសជាសះស្បើយថែមទៀតផង ដែលការផ្សព្វផ្សាយនេះ គឺវាខុសច្បាប់។
លោកឧត្តមសេនីយ៍ត្រី ម៉ក់ ធារ៉ា ស្នងការរង ទទួលការងារការិយាល័យប្រឆាំងបទល្មើសសេដ្ឋកិច្ចបានឲ្យដឹងថា : ចំណាត់ការរបស់សមត្ថកិច្ចមានដូចតទៅ
១-ចាប់យកផលិតផលដែលមិនមានចុះលេខប្រវេទន៍ចំនួន ០៤ មុខ ស្មើនឹង ១៥ ប្រអប់ ។
២-មន្ត្រីនៃមន្ទីរសុខាភិបាលធ្វេីការផាកពិន័យអន្តរការណ៍ដោយអនុលោមទៅតាមច្បាប់ស្តីពីវិសោធនកម្មច្បាប់ស្តីពីការគ្រប់គ្រង់ឱសថ ។
៣-ធ្វើការប្រគល់វត្ថុតាងឲ្យទៅមន្ត្រីជំនាញសុខាភិបាល ។
៤-ធ្វើកិច្ចសន្យាផ្អាកអាជីវកម្មជាបណ្តោះអាសន្នដេីម្បីអោយម្ចាស់ទៅស្នើសុំច្បាប់អនុញ្ញាតពីមន្ទីរ ឬក្រសួងសុខាភិបាល ជាមុនសិន ទើបអាចដំណើរការឡើងវិញបាន ៕រក្សាសិទ្ធិដោយ : CEN
