ភ្នំពេញ៖ លោក អ៊ី សុខឡេង អភិបាលក្រុងព្រះសីហនុ បានឲ្យដឹងថា សូមស្នើអាជ្ញាធរជាតិអប្សរា និងក្រសួងពាក់ព័ន្ធ ( ពិសេសក្រសួងវប្បធម៌ និងវិចិត្រសិល្បៈ ) គួរមានផែនការថែរក្សា និងគ្រប់គ្រងតំបន់ដែលមានថ្មភក់កម្រ ទាំងអស់នេះទុក មិនគួរឲ្យមានការជីក និងគាស់ធ្វើអាជីវកម្មបែបអនាធិបតេយ្យបែបនេះទេ។
លោក អ៊ី សុខឡេង បានថ្លែងបន្តថា នៅទូទាំងប្រទេសកម្ពុជា មានប្រាសាទរាប់ពាន់ ដែលកសាងពីថ្មភក់ ហើយប្រាសាទទាំងនោះ បច្ចុប្បន្នមានការបាក់បែក ដួលរលំ និងរេចរិល ដូច្នេះតំបន់ថ្មភក់ទាំងអស់នេះ អាចចាត់ទុកដូចជាឃ្លាំងស្តុកគ្រឿងបន្លាស់ដ៏សំខាន់បំផុត ទុកយកមកជួលជុលប្រាសាទ
“ថ្មភក់ ជាថ្មកម្រ តែជីក និងគាស់អស់ហើយ មិនកើតឡើងវិញទេ ដូច្នេះបើមិនថែរក្សា និងគ្រប់គ្រងឲ្យច្បាស់លាស់ និងតឹងរឹង ថ្ងៃក្រោយប្រាសាទនៅកម្ពុជា ដែលបាក់បែក ដួលរលំ និងរេចរិល នឹងមិនមានថ្មភក់ យកមកជួសជុលទេ”លោក អ៊ី សុខឡេង អភិបាលក្រុងព្រះសីហនុ បានបញ្ជាក់យ៉ាងដូច្នេះ៕ រក្សាសិទ្ធិដោយ៖បញ្ញាស័ក្តិ
