បុរស២នាក់ ត្រូវបានចោទប្រកាន់ថាបានរំលោភ និងសម្លាប់ស្ត្រីជាម្តាយកូន២ម្នាក់ រួចដុតសម្លាប់នាងទាំងរស់នៅក្នុងរថយន្ត មុនពេលគេចខ្លួន, នេះបើតាមតុលាការប្រាប់ឲ្យដឹង ។
ជនជាប់ចោទឈ្មោះ Stephen Unwin អាយុ ៤០ ឆ្នាំ និង William McFall អាយុ ៥១ ឆ្នាំ ត្រូវបានដឹងថា បានផ្ញើសារឲ្យគ្នាទៅវិញទៅមកនៅលើបណ្តាញសង្គម ក្នុងរយៈពេល៣សប្តាហ៍ ដើម្បីរៀបចំផែនការព្រៃផ្សៃនេះ មុនពេលធ្វើការរំលោភបូកទៅលើស្ត្រីរងគ្រោះឈ្មោះ Quyen Ngoc Nguyen អាយុ ២៨ ឆ្នាំ ដែលជាអ្នកឯកទេសក្រចកជនជាតិវៀតណាមម្នាក់ ស្ថិតនៅឯផ្ទះរបស់ Unwin ។
ព្រះរាជអាជ្ញា Jamie Hill QC បានប្រាប់តុលាការថា អាជ្ញាធរបានជឿថា នាង Nguyen បាននៅមានជីវិត នៅពេលដែលរថយន្តកំពុងឆាបឆេះ ។
ក្នុងអំឡុងពេលស៊ើបអង្កេត អាជ្ញាធបានរកឃើញថា Nguyen មានរឿងអាថ៌កំបាំងមួយ ។
Nguyen បានចាកចេញពីប្រទេសវៀតណាម ទៅរស់នៅក្នុងប្រទេសអង់គ្លេស កាលពីឆ្នាំ២០១០ ។
នាង និងបងស្រីរបស់នាង បានមានផ្ទះមួយនៅ Killingworth, North Tyneside ។ បងប្អូនស្រីទាំងពីរក៏បានបើកហាងធ្វើក្រចកមួយផងដែរ ។
ការស៊ើបអង្កេតរបស់ប៉ូលីសបានបញ្ចេញថា Nguyen មានជាប់ពាក់ព័ន្ធក្នុងជួយជួលផ្ទះល្វែងមួយ ដល់មនុស្សដែលមិនមានឯកសារអន្តោប្រវេសន៍ពុំត្រូវការ ដើម្បីរស់នៅ និងធ្វើការ នៅក្នុងប្រទេសអង់គ្លេស ។
ព្រះរាជអាជ្ញានិយាយថា មួយចំនួននៃអចលនទ្រព្យដែល Nguyen ជួល ត្រូវបានប្រើដើម្បីដាំធ្មៃ ។
Nguyen បានជួបជនល្មើស Stephen Unwin និង William McFall នៅឯទីកន្លែងមួយ ក្នុងចំណោមអចលនទ្រព្យធជាច្រើនទៀតរបស់នាង ។
ប៉ូលីសបានរកឃើញថា ជនសង្ស័យទាំងពីរបានផ្ញើសារឲ្យគ្នាទាក់ទងផែនការរំលោភ Nguyen ប៉ុន្មានសប្តាហ៍ មុនពេលរំលោភ និងសម្លាប់នាងយ៉ាងសាហាវឃោរឃៅបែបនេះ ។
Unwin និង McFall បានអញ្ជើញ Nguyen ទៅកាន់ផ្ទះមួយ ទីកន្លែងដែលពួកគេរំលោភនាងអស់រយៈពេល ៥ ម៉ោង ។ ពួកគេក៏បានទាមទារលេខសម្ងាត់ (password) គណនីធនាគាររបស់នាង ដើម្បីដកលុយ ។
វីដេអូកាមេរ៉ាឃ្លាំមើលក្បែរនោះ បានបង្ហាញឲ្យឃើញបុរសទាំងពីរនិយាយទៅកាន់ Nguyen នៅខាងក្រៅផ្ទះ និងលើកនាងចូលទៅក្នុងរថយន្ត Audi A4 ពណ៌ខ្មៅ ។
ពួកគេបន្ទាប់មក បានចាក់សាំងចូលក្នុងរថយន្ត រួចដុតសម្លាប់នាងនៅខាងក្នុងរថយន្តតែម្តង ៕ ចន្ទី
