Monday, December 6, 2021

ទីលាន​សាកល្បង​នុយក្លេអ៊ែរ​របស់​កូរ៉េខាងជើង មាន​រោគសញ្ញា “​ភ្នំ​នឿយណាយ​”

ទីលាន​សាកល្បង​នុយក្លេអ៊ែរ Punggye-ri របស់​កូរ៉េខាងជើង ត្រូវបាន​ពិនិត្យឃើញថា មាន​លេចចេញ​សញ្ញា​ពុំ​រឹងប៉ឹង​អំពី​ភូ​គុព្ព​សាស្ត្រ ឬ​ពាក្យ​ម​គ្គុ​ទេស​ហៅថា “​រោគសញ្ញា​ភ្នំ​នឿយណាយ​” (tired mountain) បន្ទាប់ពី​រង​ទទួល​ការសាកល្បង​នុយក្លេអ៊ែរ​ជា​បន្តបន្ទាប់​-​នេះ​បើតាម​អ្នកជំនាញការ​អាមេរិក​។​

​ភាព​ផ្កាយរណប បង្ហាញ​តំបន់​ជុំវិញ​ទីលាន​នុយក្លេអ៊ែរ​របស់​កូរ៉េខាងជើង នៅ​ភ្នំ Mantap ឃើញ​ចំណុច​ស្រុត​ប្រេះ​

​គេ​ទំព័រ 38 North នៃ​វិទ្យាស្ថាន​ស្រាវជ្រាវ​អាមេរិក​-​កូរ៉េខាងត្បូង ចំណុះ​សកល​វិទ្យាល័យ John Hopkins របស់​អាមេរិក នៅ​ថ្ងៃទី ១៧ ខែ​១០ បានធ្វើការ​វាយតម្លៃ​អំពី​ស្ថានការណ៍​នៃ​ភ្នំ Mantap នៅ​ទីលាន​សាកល្បង​នុយក្លេអ៊ែរ Punggye-ri របស់​កូរ៉េខាងជើង​។ ពិសេស​ក្រោយ​ការសាកល្បង​គ្រាប់បែក​អ៊ី​ដ្រូ​ហ្សែ​ន កាលពី​ថ្ងៃទី​៣ ខែ​៩ នោះគេ​បាន​កត់ត្រា​ឃើញ​មានការ​រញ្ជួយ​ដី​៣​លើក ហើយ​បាតុភូត​ប្រេះ​ស្រុត​ក៏​ចាប់ផ្តើម​លេចឡើង​ដែរ ។​

​របាយការណ៍មួយចំនួន​សន្និដ្ឋានថា តំបន់​នេះ​ពុំ​អាច​ទ្រាំទ្រ បន្ថែម​ការសាកល្បង​នុយក្លេអ៊ែរ​ទៀតឡើយ ឬ​តាម​ពាក្យ​បច្ចេកទេស​នោះ ព្រោះ​វា​មាន​រោគសញ្ញា “​ភ្នំ​នឿយណាយ​”​។​

​រោគសញ្ញា “​ភ្នំ​នឿយណាយ​” ត្រូវបាន​ប្រើ​សម្រាប់​ចង្អុលបង្ហាញ​ពី​ឥទ្ធិពល នៃ​ការសាកល្បង​នុយក្លេអ៊ែរ លើ​តំបន់​ដី​ជុំវិញ​នោះ ហើយ​ការសាកល្បង​គ្រាប់បែក​អ៊ី​ដ្រូ​ហ្សែ​ន​ពី​ថ្ងៃទី ៣ ខែកញ្ញា របស់​កូរ៉េខាងជើង បាន​ជះឥទ្ធិពល​ដល់​តំបន់​ជុំវិញ​នោះ ប្រមាណ ១,៤​គីឡូម៉ែត្រ គិតពី​ចំណុច​ផ្ទុះ​។​

​ទោះយ៉ាងណា​តាម​ពួកគេ គឺ​កូរ៉េខាងជើង ពុំទាន់​មានបំណង​បោះបង់ចោល​កន្លែង​សាកល្បង​នោះទេ ព្រោះ​ពិនិត្យឃើញ​នៅមាន​រណ្តៅ​ត្រៀម​សាកល្បង​២​ទៀត ពុំទាន់​ប្រើប្រាស់ ៕​