កាលពីល្ងាចមិញនេះ មហាជននៅក្នុងបណ្តាញសង្គម ពិតជាមានការចាប់អារម្មណ៍ជាខ្លាំង ក្រោយពីបានឃើញរូបភាពចែករំលែក បង្ហាញពីទិដ្ឋភាពពិធីមង្គលការមួយ ដែលត្រូវបានរៀបចំយ៉ាងប្រណីត ស្រស់ស្អាតខ្លាំងណាស់។ ពិធីមង្គលការដ៏មហាធំធេងនេះផងដែរ ក្នុងនោះ ខាងកូនប្រុសត្រូវបានគេស្គាល់មានឈ្មោះ លី ហ្សេមីន និងកូនស្រីនាម អ៊ុក សាវុធ សវនា។
អ្វីដែលពិសេសបំផុតនោះ គឺពិធីមង្គលការនេះ ក៏ត្រូវបានអញ្ជើញចូលរួមជាភ្ញៀវកិត្តិយសដ៏ឧត្តុង្គឧត្តមពីវត្តមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងព្រមទាំងមន្ត្រីជាន់ខ្ពស់ជាច្រើនរូបទៀត ក៏បានមកចូលរួមនៅអមដំណើរសម្តេចទាំងពីរផងដែរ ជាមួយនឹងទឹកមុខប្រកបដោយក្តីសប្បាយរីករាយជាខ្លាំង។
ក្នុងឱកាសដ៏ពិសេសនោះផងដែរ គេក៏បានឃើញវត្តមានចូលរួមពីសំណាក់អ្នកអ្នកឧកញ៉ា គិត ម៉េង និង លោកជំទាវ ម៉ៅ ចំណាន (ស្រីតូច ចំណាន) ផងដែរ ដែលស្ថិតក្នុងឈុតសម្លៀកបំពាក់ហូលផាមួងយ៉ាងស្រស់ស្អាត និងសមសួនយ៉ាងខ្លាំង។
ជាមួយគ្នានេះផងដែរ អ្នកឧកញ៉ា គិត ម៉េង បានបញ្ជាក់ប្រាប់បន្ថែមថា៖ “សូមចូលរួមអបអរសាទរដល់មង្គលការរបស់ ក្មួយប្រុស លី ហ្សេមីន និង ក្មួយស្រី អ៊ុកសាវុធ សវនា។ ខ្ញុំ និងភរិយាជាទីស្រឡាញ់ សូមជូនពរអ្នកទាំងពីរ ជួបតែសេចក្ដីសុខ សុភមង្គលក្នុងដំណើរជីវិតថ្មីនេះជាមួយគ្នា។”។
យ៉ាងណាមិញ ក្រោយពីបានឃើញរូបភាពប៉ុន្មានសន្លឹកទាំងនេះ ក្នុងនោះអ្នកប្រើប្រាស់បណ្តាញសង្គមភាគច្រើន មានការចាប់អារម្មណ៍ទៅលើអ្នកនាងស្រីតូច ចំណាន ដោយលាន់មាត់សរសើរថា៖ «ស្រស់ស្អាតណាស់លោក ឧកញ៉ា និងលោក ជំទាវ, លោកជំទាវស្អាតណាស់, លោកជំទាវ ពុំត្រឹមស្រស់ស្អាតទេ ហើយថែមទាំងថ្លៃថ្នូរខ្លាំងណាស់,… »៕ រក្សាសិទ្ធិដោយ៖ លឹម ហុង
