ភ្នំពេញ ៖ ក្នុងចំណោមភាគហ៊ុនជួញដូរទាំងប្រាំពីរ មានតែភាគហ៊ុនភាគហ៊ុនកំពង់ផែស្វយ័តក្រុងភ្នំពេញ តែមួយគត់ដែលមានការកើនឡើង និងបិទនៅ១១.៧០០រៀលក្នុងថ្ងៃនេះ។
ភាគហ៊ុន ភ្នំពេញតំបន់សេដ្ឋកិច្ចភ្នំពេញ (PPSP) និងអេស៊ីលីដា (ABC) ជាថ្មីម្តងទៀត បានរក្សាថ្លៃថេរដដែលត្រឹម ១.៥១០រៀល និង១៧.០០០រៀល។ ក្រៅពីនេះ ភាគហ៊ុន រដ្ឋាករទឹកស្វយ័តក្រុងភ្នំពេញ (PWSA) ភាគហ៊ុនហ្គ្រេនធ្វីន (GTI) កំពង់ផែស្វយ័តក្រុងព្រះសីហនុ (PAS) និងផេសថិក (PEPC) បានធ្លាក់ចុះចន្លោះពី ២០រៀល ទៅ៨០រៀល មកត្រឹម៦.០៦០រៀល ៣.២៨០រៀល ១៣.៧០០រៀល និង២.៩៥០រៀល តែប៉ុណ្ណោះ។
ការធ្លាក់ចុះរបស់ភាគហ៊ុនទាំងបួននេះបានបណ្តាលឱ្យសន្ទស្សន៍ផ្សារមូលបត្រកម្ពុជាធ្លាក់០,១៣ភាគរយ មកត្រឹម៦៤៤,០៩ពិន្ទុ។ ទំហំជួញដូរភាគហ៊ុនសរុបបានបង្ហាញនូវការងើបឡើងមកវិញរហូតដល់ ២៥៨,៤៨លានរៀល នាថ្ងៃចន្ទនេះ ពោលគឺមានកំណើនប្រមាណ ៣៩ភាគរយធៀបនឹងថ្ងៃសុក្រមុន៕ រក្សាសិទ្ធិដោយ៖CEN
