ភ្នំពេញ ៖ រូបភាពប៉ុន្មានសន្លឹក ដែលកំពុងត្រូវបានចែករំលែកព្រោងព្រាតនៅលើបណ្តាញសង្គម បង្ហាញពីសភាពដ៏ចម្លែកនៃទឹកទន្លេ មានល្ហក់ និងថ្លា ញែកដាច់ពីគ្នា រវាងត្រើយម្ខាងកោះពេជ្រ និងត្រើយម្ខាងអរិយក្សត្រ កំពុងបង្កឲ្យមានការវែកញែកផ្អើលពេញហ្វេសប៊ុក។
ជាមួយនឹងស្ថានភាពទន្លេតែមួយតែបែរជាទឹកមានល្ហក់ មានថ្លា បែងចែកគ្នាបែបនេះ ក៏បានធ្វើឲ្យលេងបណ្តាញសង្គម នាំគ្នាលើកឡើងគួរឲ្យអស់សំណើចថា៖ «ម្ខាងបូបខ្សាច់ល្អក់ រីឯម្ខាងទៀតអត់បូមថ្លា, ម្ខាងទឹកអ្នកមានម្ខាងទឹកអ្នកក្រ, មកពីចាក់ដីលុបទន្លេម្ខាងទើបទឹកទន្លេមានល្អក់ម្ខាងនឹងថ្លាម្ខាងបែបនេះ, ព្រំដែនទន្លេ ម្ខាងទន្លេបាស៊ីហ្វិក ម្ខាងទន្លេអាតាឡង់ទិចអូន, ទឹកទន្លេគង់មានថ្លានិងល្អក់ ដូច្នេះការវិនិច្ឆ័យរបស់មនុស្ស ម្នាក់ៗក៏មានល្អៀងដែរ»។
ចំណែកអ្នកខ្លះទៀតក៏បានបញ្ជាក់ប្រាប់ថា៖ «ស្ថានភាពបែបនេះ គឺមានតាំងពីដើមមកម្លេះ, អ្នកឯកទេសខាងទឹក គេបានបកស្រាយហើយ វាទាក់ទងនឹងកំហាប់ដែលមានក្នុងទឹក»៕ រក្សាសិទ្ធិដោយ៖ លឹម ហុង
