ភ្នំពេញ ៖ អ្នកប្រើប្រាស់បណ្តាញសង្គម ពិតជាមានអារម្មណ៍សោកស្តាយជាខ្លាំង ក្រោយពីគណនីហ្វេសប៊ុកមួយមានឈ្មោះ «Mey Jing» បានចែករំលែកនូវដំណឹងដ៏ក្រៀមក្រំមួយ ខណៈដែលនារីដ៏ស្រស់ស្អាតម្នាក់ឈ្មោះ ឈិន ស្រីនាថ បានទទួលមរណភាពចោលមិត្តភក្តិ បងប្អូនសាច់ញាតិ និងក្រុមគ្រួសារ ទាំងនៅវ័យក្មេង។
ក្នុងនោះផងដែរ ម្ចាស់គណនីខាងលើដែលត្រូវជាមិត្តភក្តិ បានសរសេររៀបរាប់យ៉ាងក្រៀមក្រំ និងការសោកស្តាយថា៖ «R.i.p ឯងទៅបានសុខហើយ មិនគួរអោយជឿទេ ទៅឲ្យបានសុខណាមិត្ត បើមានជាតិក្រោយពិតសុំកុំឲ្យឯងកើតមកអាយុខ្លីដូចជាតិនេះទៀត សុំទោសរឿងកន្លងមកយើងមិនដែលល្អនឹងគ្នា មិនថារឿងអ្វីទេយើងធ្វើដាក់គ្នាលើកលេងឲ្យឯងគ្រប់យ៉ាង ឲ្យឯងទៅបានសុខណា ខ្ញុំនៅតែស្រឡាញ់ឯងចងចាំឯងជានិច្ច Chhen Srey Neat ស្នាមញញឹមចុងក្រោយ»។
យ៉ាងណាមិញ ចំពោះមូលហេតុនៃការស្លាប់របស់នាង ក៏ត្រូវបានគណនីហ្វេសប៊ុកឈ្មោះ Ly Seavley ដែលត្រូវជាបងស្រីសពនារីដែលបានស្លាប់ បានបញ្ជាក់ប្រាប់ទៅកាន់បងប្អូននៅក្នុងបណ្តាញសង្គមឲ្យដឹងថា ប្អូនស្រីរបស់ខ្លួនស្លាប់ គឺដោយសារធ្លាយក្រពះ។
ទន្ទឹមនឹងដំណឹងដ៏ក្រៀមក្រំបំផុតនេះផងដែរ ឃើញថាមានបងប្អូនអ្នកប្រើប្រាស់បណ្តាញសង្គមយ៉ាងច្រើន បានសម្តែងនូវអារម្មណ៍សោកស្តាយជាពន់ពេក និងព្រមទាំងផ្ញើសារចូលរួមរំលែកទុក្ខយ៉ាងក្រៀមក្រំនេះដល់គ្រួសាររបស់ផងដែរ៕ រក្សាសិទ្ធិដោយ៖ លឹម ហុង
