ភ្នំពេញ ៖ ជនជាប់ចោទចំនួន១៥នាក់ត្រូវបានចៅក្រមជំនុំជម្រះនៃសាលាដំបូងរាជធានីភ្នំពេញ បានបើកសវនាការលើសំណុំរឿង «ក្រុមយុវជនខ្មែរថាវរៈ » ក្នុងនោះមានជាប់ចោទចំនួន១០នាក់កំពុងជាប់ឃុំ និងចំនួន៥នាក់ទៀតនៅក្រៅឃុំ ដែលពាក់ព័ន្ធនិងបទ ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម តាមមាត្រា២៨.មាត្រា៤៩៤និងមាត្រា៤៩៥ នៃក្រមព្រហ្មទណ្ឌនៅព្រឹកថ្ងៃទី១៦ខែកុម្ភៈឆ្នាំ២០២១នេះ ។
ជនជាប់ចោទត្រូវបានតុលាការចោទប្រកាន់ពីបទឧក្រិដ្ឋ ក្នុងសំណុំរឿងបទញុះញង់តាមក្រមព្រហ្មទណ្ឌ នៃព្រះរាជាណាចក្រកម្ពុជា។ ក្នុងពេលបើកសវនាការជាសាធារណៈនៅព្រឹកថ្ងៃទី១៦ខែកុម្ភៈឆ្នាំ២០២១នេះ តុលាការបញ្ជាក់ថាជនជាប់ចោទចំនួន១៥នាក់ ក្នុងនោះមសនចំនួន១០នាក់កំពុងជាប់ឃុំឃាំងនៅពន្ធនាគារ និងជនជាប់ចោទចំនួន៥នាក់ទៀតកំពុងស្ថិតនៅក្រៅឃុំ។
តាមតុលាការបញ្ជាក់ថា ជនជាប់ចោទរួមមានគឺ១.ឈ្មោះ កើត សារ៉ាយ អាយុ២៨ឆ្នាំ ជាអតីតសង្ឃ ២.ឈ្មោះ ទុំ វុទ្ធី ហៅ ជុំ វុទ្ធី អាយុ៤១ឆ្នាំ ៣.ឈ្មោះ មាន ព្រហ្មមុនី អាយុ៣៤ឆ្នាំ ៤.ឈ្មោះ មួង សុភក្ត្រ័ អាយុ២៥ឆ្នាំ ៥.ឈ្មោះ ឈួ ផេង អាយុ ៤៤ឆ្នាំ ៦.ឈ្មោះ ហ៊ុន វណ្ណៈ អាយុ៣៤ឆ្នាំ ៧.ឈ្មោះ គង់ សំអាន អាយុ៦៨ឆ្នាំ ៨.ឈ្មោះ ឡា ថាវី អាយុ២៨ឆ្នាំ ៩.ឈ្មោះ ឈឿន ដារាវី ភេទស្រី ១០.ឈ្មោះ អេង ម៉ាឡែ ភេទស្រី នៅក្នុងឃុំ ចំណែក១១.ឈ្មោះ សេង ម៉េងប៊ុនរ៉ុង ១២.ឈ្មោះ ហូរ វ៉ាន់ ១៣.ឈ្មោះ អ៊ូ ច័ន្ទឫទ្ធិ ១៤.ឈ្មោះ គង់ សភា ១៥.ឈ្មោះ ហុង លីម ហៅ ហុង មុយលីម អ្នកទាំង៥នាក់នេះនៅក្រៅឃុំ ។
ដោយសារអស់ម៉ោងរដ្ឋបាលចៅក្រមបានលើកពេល ទៅបន្តសវនាការនៅថ្ងៃទី២ខែមីនាឆ្នាំ២០២១ខាងមុខនេះទៀត បន្ទាប់ពីបានដំណើរការបានពេញមួយព្រឹកថ្ងៃទី១៦កុម្ភៈនេះ ។ ក្នុងអង្គសវនាការដោយបានសាកសួរ ទៅលើជនជាប់ចោទបានចំនួន៤នាក់ ដោយសារអស់ម៉ោងរដ្ឋបាល លោកចៅក្រមសម្រេចលើកពេលសវនាការលើសំណុំរឿងខាងលើនេះសិន ៕ រក្សាសិទ្ធិដោយ៖CEN
