ភ្នំពេញ ៖ រថយន្តឡិចស៊ីសRX.៣០០មួយគ្រឿងបានបើកបោះពួយ ក្នុងល្បឿនលឿន បានជ្រុលទៅ បុកពីក្រោយរថយន្តឡិចស៊ីRX.៤០០h មួយគ្រឿ ង ដែលកំពុងតែបត់ត្រឡប់ក្រោយ រួចក៏បានជ្រុល ទៅបុករបាំងថ្មខណ្ឌចែកទ្រូងផ្លូវ បណ្តាលឲ្យបាក់ខ្ទេចចេញ១កង់និងជាប់ទៅមុខលែងរួច ។
គ្រោះថ្នាក់ចរាចរណ៍នេះបានកើតឡើងកាលពីវេលាម៉ោងប្រមាណ ១និង២០នាទីរសៀលថ្ងៃទី១៦ ខែ កុម្ភៈ ឆ្នាំ ២០២១ នៅតាមបណ្តោយផ្លូវលេខ៥៩៨ កែងផ្លូវបេតុងក្នុងសង្កាត់ទួលសង្កែទី២ ខណ្ឌ ឬស្សីកែវ រាជធានីភ្នំពេញ។
រថយន្តម៉ាកឡិចស៊ីស RX300ពណ៌សពាក់ផ្លាកលេខភ្នំពេញ 2AK 3654 បើកដោយឈ្មោះធៀង សិរីបុត្រអាយុ២៩ឆ្នាំមុខរបរវិស្វករស្នាក់នៅភូមិ៤សង្កាត់អូរឫស្សីទី៤ខណ្ឌ ៧មករារាជធានីភ្នំពេញ។
រថយន្តមួយគ្រឿងទៀតម៉ាកលុចស៊ីសRX 400h ស្លាកលេខភ្នំពេញ 2BC 7560 បើកបរដោយឈ្មោះរ៉ុង មករា អាយុ ៣៥ឆ្នាំមុខរបរ មន្ត្រីក្រសួងសេដ្ឋកិច្ចនៅភូមិព្រែកតាជ្រូក ឃុំព្រែកគយ ស្រុកស្អាង ខេត្តកណ្ដាល។
តាមសាក្សីបានឲ្យដឹងថា នៅមុនពេលកើតហេតុគេឃើញ រថយន្តម៉ាកឡិចស៊ីសRX.៣០០ពណ៌សមួយគ្រឿង បានធ្វើដំណើរ តាមផ្លូវលេខ ៥៩៨ ក្នុងទិសដៅពីជើងទៅត្បូង ដោយល្បឿនលឿន ។ នៅពេល មកដល់ចំណុច កើតហេតុក៏បានជ្រុលទៅបុកពីក្រោយរថយន្តម៉ាកឡិចស៊ីស RX.៤០០hពណ៌ស ដែលធ្វើដំណើរ ក្នុងទិសដៅពីត្បូងទៅជើង ហើយ បត់ត្រឡប់ក្រោយវិញ ។
តាមសាក្សី បានឲ្យដឹងទៀតថា បន្ទាប់ពីកើតមានគ្រោះថ្នាក់រថយន្ត ម៉ាកឡិចស៊ី RX.៣០០ ក៏បានជ្រុលចង្កូតទៅឆ្វេងដៃ បុករបាំងថ្មខណ្ឌចែកទ្រូងផ្លូវបណ្តាលឲ្យបាក់មួយកង់ខ្ទេតចេញ ហើយរថយន្តបុកជាប់នឹងរបាំងថ្មមួយកង់ទៀតបណ្តាលឲ្យខ្ទេចមុខ បែកកង់បាក់យ៉ាន់ទៅបុកលែងរួច។
គ្រោះថ្នាក់នេះពុំបណ្តាលឲ្យមនុស្សរងរបួសឡើយ ។បន្ទាប់ពីគ្រោះថ្នាក់ នគរបាលមូលដ្ឋាន ក៏បានទាក់ទង់ទៅនគរបាលចរាចរណ៍ ចុះទៅស្ទួចបញ្ជូន ទៅកាន់ការិយាល័យចរាចរណ៍ផ្លូវគោកដើម្បីដោះស្រាយសងការខូចខូចទ្រព្យសម្បត្តិសាធារណៈ ៕ រក្សាសិទ្ធិដោយ៖សារឿន
