តាកែវ ៖ កម្លាំងការិយាល័យប្រឆាំងគ្រឿងញៀន សហការជាមួយមូលដ្ឋាន កងរាជអាវុធហត្ថស្រុកគិរីវង់ ដឹកនាំដោយអនុសេនីយ៍ទោ ហួត វឿន នាយការិយាល័យស្ដីទី បានឡើងរុករកកាប់ដុតបំផ្លាញដំណាំកញ្ឆាដែលជនខិលខូចលួចដាំខុសច្បាប់ នៅវេលាម៉ោង ១២និង៣0 នាទីថ្ងៃទី១៤ ខែកុម្ភៈ ឆ្នាំ២០២១។
ឃាត់ជនសង្ស័យបាន ១នាក់ ឈ្មោះ ម៉ែន ប៊ោន ភេទប្រុសអាយុ ៦៨ឆ្នាំ (ជាអ្នកដាំដុះកញ្ជាដោយខុសច្បាប់) រស់នៅភូមិជ្រោយ ឃុំព្រះបាទជាន់ជុំ ស្រុកគិរីវង់ ខេត្តតាកែវ។លទ្ធផល កាប់បំផ្លាញដើមកញ្ឆា ស្រស់ចោលចំនួន ១៥០ដើម ស្មើ 0១ ទីតាំង អាងស្តុកទឹកចំនួន០១ រោងស្នាក់នៅចំនួន០១ ត្រង់ចំណុច បែកថ្លាងខាងលើស្ថិតភូមិជ្រោយ ឃុំព្រះបាទជាន់ជុំ ស្រុកគិរីវង់ ដែលមានផ្ទៃដីប្រមាណ ៦០ម៉ែត្រការ៉េ។
បច្ចុប្បន្នជនសង្ស័យ ការិយាល័យជំនាញកំពុងកសាងសំណុំរឿង បញ្ជូនទៅអយ្យការអមសាលាដំបូងខេត្តតាកែវ ចាត់ការតាមនីតិវិធី៕ រក្សាសិទ្ធិដោយ៖បញ្ញាស័ក្តិ
