ភ្នំពេញ-ខណៈពេលដែលមានភេសជ្ជៈប៉ូវកម្លាំងជាច្រើនបានចរាចរណ៍លើទីផ្សារប្រទេសកម្ពុជា វត្តមានភេសជ្ជៈថ្មីលំដាប់លេខមួយនៅប្រទេសកូរ៉េ បានមកដល់ទីផ្សារប្រទេសកម្ពុជា និងបានសម្ពោធជាផ្លូវការ កាលពីរសៀលថ្ងៃទី២៦ កុម្ភៈ ២០១៨ ក្រោមអធិបតីភាព លោក ខៀវ កាញ៉ារីទ្ធ រដ្ឋមន្ត្រីក្រសួងពត៌មាន និងភ្ញៀវកិត្តិយសជាច្រើនរូបទៀត នៅផ្សារទំនើប អ៊ីអនម៉ល នូវផលិតផលភេសជ្ជៈប៉ូវកម្លាំង គ្រូនសាន្ត ជាប្រភេទភេសជ្ជៈ លំដាប់លេខមួយជាងម្ភៃឆ្នាំនៅប្រទេសកូរ៉េ។
លោក គីម ជុងហ៊ី អ្នកគ្រប់គ្រងទូទៅ នៅក្នុងក្រុមហ៊ុន Haitai HTB ដែលជាក្រុមហ៊ុនឈានមុខគេ បានថ្លែង ក្នុងពិធីថា “មនុស្សជាច្រើនបានគិតថា ការទទួលទានភេសជ្ជៈប៉ូវកម្លាំង គឺមិនមានសុវត្ថិភាពសម្រាប់សុខភាពទេ ដោយបារម្មណ៍ទាក់ទងទៅនឹង ជាតិកាហ្វេអ៊ីន និងជាតិស្ករ ដែលមាននៅក្នុងភេសជ្ជៈប៉ូវកម្លាំង ប៉ុន្តែខ្ញុំចង់បញ្ជាក់ ថានេះគឺមិនមែនជាការពិតនោះទេ សម្រាប់ ភេសជ្ជៈប៉ូវកម្លាំង (Gronsan) គ្រូនសាន្ត របស់យើង ដោយសារតែគោលការណ៍ជាផ្លូវការរបស់រដ្ឋបាលចំណីអាហារ និងឱសថ នៃសហរដ្ឋអាមេរិក (The United State of America’s Food and Drug Administration)” គឺចែងថា ជាតិកាហ្វេអ៊ីន គឺមានសុវត្ថិភាពសម្រាប់អ្នកប្រើប្រាស់បានរហូតដល់ទៅ ៤០០មីល្លីក្រាម ក្នុងមួយថ្ងៃ ។ ចំណែក គ្រូនសាន្តមានជាតិ កាហ្វេអ៊ីន តែ៨០មីល្លីក្រាមប៉ុណ្ណោះក្នុងមួយថ្ងៃ។ បើយោងតាមសមាគមន៍បេះដូងសហរដ្ឋអាមេរិក (AHA) ជាតិស្ករអតិបរិមា បន្ថែមទៀតដែលអ្នកគួរតែបរិភោគនៅក្នុងមួយថ្ងៃសម្រាប់បុរសគឺ ១៥០ កាឡូរី ក្នុងមួយថ្ងៃ។ ចំណែក គ្រូនសាន្ត មានជាតិស្ករត្រឹមតែ ៣០ ក្រាម ប៉ុណ្ណោះក្នុងមួយកំប៉ុង។
លោក ឈិន សុផល តំណាងអ្នកចែកចាយផលិតផលប្រចាំនៅកម្ពុជា នៃក្រុមហ៊ុនរ៉ូយ៉ាល់ ត្រាស់ ត្រេឌីង ខូអ៊ិលធីឌី បានឲ្យដឹងនៅក្រោយចប់ពិធីសម្ពោធជាផ្លូវការនូវភេសជ្ជះ គ្រូនសាន្ត នៅល្ងាចថ្ងៃទី២៦ កុម្ភះ ឆ្នាំ២០១៨កន្លងទៅថា គ្រូនសាន្ត គឺជាផលិតដែលល្បីជាងគេបំផុតនៅប្រទេសកូរ៉េ ហើយផលិតផល នេះទើបនាំចូលនិងដាក់នៅទីផ្សារប្រទេសកម្ពុជា០២ខែ និងបានកត់សម្គាល់ឃើញថា គឺទទួលបានការ គាំទ្រយ៉ាងខ្លាំងពីអតិថិជនក្នុងស្រុក។
លោកឲ្យដឹងទៀតថា កត្តាដែលជំរុញឲ្យក្រុមហ៊ុននាំចូលនិងចែក ចាយនូវផលិតផលនេះ ដោយសារតែតម្រូវការអ្នកទទួលទានកើនឡើង។ លោក ឈិន សុផល លើកឡើងបន្តថា ទោះបីជាផលិតផលនេះមកយឺតនិងក្រោយគេក្តី ប៉ុន្តែ គ្រូនសាន្ត នៅតែជឿជាក់ថានឹងលក់ដាច់ខ្លាំង ព្រោះភេសជ្ជះនេះមិនត្រឹមតែប៉ូវកម្លាំងទេ ថែមទាំងមាន គុណប្រយោជន៍ដល់អ្នកពិសារ ក្នុងនោះសម្រាប់បុរសគឺអាចកាត់បន្ថយភាពស្រវឹង និងសម្រាប់នារី អាច ជួយឲ្យមានស្បែកស្អាត និងសុខភាពល្អខាងផ្នែកស្ត្រីផងដែរ។ លោកឲ្យដឹងទៀតថា បច្ចុប្បន្ន គ្រូនសាន្ត ក្រៅពីដាក់លក់នៅក្នុងប្រទេសកូរ៉េ បានចែកចាយលក់បន្តនៅប្រទេសចិន និងនៅជិតខាងប្រទេសអាស៊ាន រួមទាំងនៅកម្ពុជានាពេលនេះ៕ ដោយ-ក្រុមហ៊ុន
