ភ្នំពេញ៖ កម្លាំងអាវុធហត្ថខេត្តតាកែវ សហការជាមួយ កម្លាំងការិយាល័យប្រឆាំងគ្រឿងញៀន អាវុធហត្ថលើផ្ទៃប្រទេស និងជំនាញ រាជធានីភ្នំពេញ និង អាវុធហត្ថ ខណ្ឌដង្កោ នៅវេលាម៉ោង១៦និង២០នាទី រសៀលថ្ងៃទី២០ខែកុម្ភៈឆ្នាំ២០២១ ចំណុចមុខសាលាបឋមសិក្សាពងទឹក ភូមិ ពងទឹក សង្កាត់ពងទឹក ខណ្ឌ ដង្កោ ចាប់ខ្លួនបានជនសង្ស័យម្នាក់
១-ឈ្មោះ ស្រ៊ុន ស្រីមុំ ភេទ ស្រី អាយុ ២៧ឆ្នាំ មុខរបរ មិនពិតប្រាកដ ទីកន្លែងកំណើត ឃុំប្រាសាទ ស្រុកកំពង់ត្របែក ខេត្តព្រៃវែង ។
ដកហូតវត្ថុតាងរួមមាន ១-ក្រាមពណ៌សថ្លា០២កញ្ចប់(សង្ស័យថាជាសារធាតុញៀន) ២-ម៉ូតូ០១គ្រឿងម៉ាកBeat ពណ៌សលាយខៀវពាក់ផ្លាកលេខភ្នំពេញ 1HX-7292 , ៣-ទូរស័ព្ទដៃ០១គ្រឿងម៉ាកVIVOពណ៌ខ្មៅ។
ក្រោយពីស្ដាប់ចម្លើយរបស់ជនសង្ស័យ ដែលមានឈ្មោះដូចខាងលើ នៅថ្ងៃខែឆ្នាំដដែលវេលាម៉ោង១៨និង០០នាទី រសៀលថ្ងៃដដែល កម្លាំងសមត្ថកិច្ចចម្រុះបន្តមកឆែកឆេរផ្ទះជួលរបស់ជនសង្សយ័ឈ្មោះ ស្រ៊ុន ស្រីមុំ ដែលមានអាសយដ្ឋានបុរីពិភពថ្មី១ ផ្ទះជួលលេខ៥៧A ផ្លូវលេខ១១ ភូមិប្រការសង្កាត់ព្រៃស ខណ្ឌដង្កោ រាជធានីភ្នំពេញ សមត្ថកិច្ចចម្រុះបានរកឃើញវត្ថុតាងរួមមាន ១-ក្រាមពណ៌សថ្លា១៣កញ្ចប់ធំ ។ ២-ជញ្ជីងសម្រាប់ថ្លឹងគ្រឿងញៀន០១គ្រឿង ។ ៣-ទូរស័ព្ទដៃចំនួន០៥គ្រឿង។
បច្ចុប្បន្ន ក្រោយពីប្រមូលចាប់យកវត្ថុតាងខាងលើរួច ជនសង្ស័យរួមទាំងវត្ថុតាងខាងលើត្រូវបានកម្លាំងការិយាល័យ អាវុធហត្ថលើផ្ទៃប្រទេសប្រគល់ជូនកម្លាំងអាវុធហត្ថខេត្តតាកែវដែលជាម្ចាស់ករណីបន្តនីតិវិធី ៕ រក្សាសិទ្ធិដោយ៖សួង សាម
