ភ្នំពេញ ៖ សមត្ថកិច្ចខណ្ឌដូនពេញឃាត់ខ្លួនជនសង្ស័យម្នាក់ ក្នុងចំណោមបក្សពួក៦នាក់ជិះកង់៣គ្រឿងមកធ្វើសកម្មភាពលួច កាបូបបងប្អូនប្រជាពលរដ្ឋដែលមកអង្គុយលេងនៅលើបង់មាត់ទន្លេមុខផ្សាររាត្រី បានសម្រេច ត្រូវសមត្ថកិច្ចឃាត់បាន១នាក់ និង៥នាក់ទៀតរត់បាតជើងសព្រាតបាតស្រមោល។
ហេតុការណ៍ផ្អើលឈូឆរនេះបានកើតឡើងនៅវេលាម៉ោង១០និង៣០នាទីយប់ថ្ងៃទី២៣ខែកុម្ភៈឆ្នាំ២០២១ ត្រង់ចំណុចលើបង់មាត់ទន្លេមុខផ្សាររាត្រី ស្ថិតក្នុងសង្កាត់វត្តភ្នំខណ្ឌដូនពេញ រាជធានីភ្នំពេញ។
តាមប្រភពីសមត្ថកិច្ចដែលឃើញហេតុការណ៍ បានប្រាប់ក្រុមការងារឲ្យដឹងថា ខណៈដែលល្បាតក្នុងមូលដ្ឋាន ស្រាប់ តែប្រទះឃើញក្រុមក្មេងស្ទាវមួយក្រុមជិះកង់៣គ្រឿងគ្នា៦នាក់និងមានម្នាក់បានចូលទៅលួចកាបូបនារីម្នាក់ដែលអង្គុយញ៉ាំភេសជ្ជៈ ដែលទិញពីនាក់លក់ដូរនៅមុខផ្សាររាត្រី ខណៈដែលញាំបណ្ដើរនិយាយទូរសព្ទក៏មានជនសង្ស័យ១នាក់ ឈ្មោះ យុង ពៅ បុខរបរមិនពិតប្រាកដ ស្នាក់នៅផ្ទះមិត្តភ័ក្រម្ដុំផ្សារកណ្ដាល ក្នុងចំណោមបក្សពួក៦នាក់បានទៅពីក្រោយ ក៏លូកដៃទាញកាបូបរួចរត់ឡើងជិះកង់បក្សពួក ដែលរងចាំ តែសំណាងអាក្រក់ ត្រូវសមត្ថកិច្ចឃើញក៏ស្រែកផ្អើល រត់បោះកាបូបនិងកង់ចោលរត់ តែត្រូវបានឃាត់ខ្លួនបានជនសង្ស័យម្នាក់និងកង់មួយគ្រឿងនៅចំណុចខាងក្រោយផ្សាររាត្រី និងកាបូបដែលជារបស់ជនរងគ្រោះ(វត្ថុតាង)។
ក្រោយកើតហេតុ សមត្ថកិច្ចបាននាំខ្លួនជនសង្ស័យខាងលើយកទៅប៉ុស្តិ៍នគរបាលសង្កាត់វត្តភ្នំ ដើម្បីចាត់ការបន្តតាមនីតិវិធីច្បាប់ ចំណែកសម្ភារៈកាបូបត្រូវបានសមត្ថកិច្ចប៉ុស្តិ៍វត្តភ្នំប្រគល់ជូនជងរងគ្រោះវិញនៅយប់ថ្ងៃដដែល៕ រក្សាសិទ្ធិដោយ៖ សារឿន
