ខេត្តបាត់ដំបង ៖ សេចក្តីរាយការណ៍បានឲ្យដឹងថា ការតាមចាប់ខ្លួនមនុស្ស១០នាក់ បានធ្វើឡើងដោយសមត្ថកិច្ចការពារតំបន់ព្រំដែននៃស្រុកសំពៅលូន បានឃាត់ខ្លួនពលករខ្មែរប្រុស ស្រីជិត ១០នាក់សម្ងំលួចចេញពីប្រទេសថៃតាមច្រករបៀងប្រុងគេចវេះធ្វើចត្តាឡីស័ក។
សមត្ថកិច្ចនៃអធិការដ្ឋានស្រុកសំពៅលូនបានបញ្ជាក់ប្រាប់សារព័ត៌មានឲ្យដឹងថា÷ នៅក្នុងភូមិសាស្ត្រចំណុចភូមិរស្មី ឃុំជ្រៃសីម៉ា ស្រុកសំពៅលូន ខេត្តបាត់ដំបង នៅព្រឹកថ្ងៃទី ២៤ ខែកុម្ភៈ ឆ្នាំ ២០២១នេះ
យោងតាមកម្លាំងអន្តរាគមន៍ឈរជើងតាមបន្ទាត់ព្រំដែនត្រង់ចំណុចប៉ុស្ថិ៍នគរបាលការពារព្រំដែនគោកលេខ ៨១៧ បានលើកឡើងថាការចាប់ខ្លួនមនុស្សទាំងនេអខណ:ល្បាតត្រួតពិនិត្យបានឃាត់ខ្លួនពលករខ្មែរឆ្លងដែនចេញមកពីប្រទេសថៃចំនួន ៧នាក់ ក្នុងនោះស្ត្រី ២នាក់និងក្មេងប្រុសម្នាក់ផងដែរ។
នគរបាលការពារតំបន់ព្រំដែនបានអះអាងថា÷ ការចុះត្រួតពិនិត្យ និងឃាត់ខ្លួនពលករខ្មែរដែលឆ្លងដែនខុសច្បាប់ទាំង ៧នាក់នេះគឺអនុវត្តតាមការណែនាំពីរាជរដ្ឋាភិបាលដើម្បីចូលរួមទប់ស្កាត់ការឆ្លងរាលដាលនៃជំងឺកូវីដ-១៩ ចូលក្នុងសហគមន៍។
សូមជម្រាបថាចំណាត់ការរបស់កម្លាំងឈរជើងនៅតាមព្រំដែនក្រោយការសាកសួរព័ត៌មានរួចរាល់កម្លាំងសមត្ថកិច្ចជំនាញបានបញ្ជូនពលករទាំងអស់ទៅកាន់មណ្ឌលដើម្បីអនុវត្តពិនិត្យសុខភាពយកវត្ថុសំណាក និងតម្រូវឲ្យចូលធ្វើចត្តាឡឺស័ក ១៤ថ្ងៃក្នុងស្រុកសំពៅលូនតាមវិធានការរបស់ក្រសួងសុខាភិបាល៕ រក្សាសិទ្ធិដោយ៖CEN
