រាជធានីភ្នំពេញ:នៅថ្ងៃទី១ខែមីនាឆ្នាំ ២០២១ – ក្រុមហ៊ុនហ្វរ៉េស អ៊ិនធឺ អ៊ែកទីវ តាមរយៈវល្លិតកូដកម្ពុជា បានសហការជាមួយប្រតិបត្តិករទូរស័ព្ទចល័តនៅកម្ពុជាមិត្តហ្វូនសម្រាប់ការទូទាត់របស់អតិថិជនក្នុងការទិញហ្គេមឬវ៉ចឆើណាមួយនៅលើគេហទំព័រ វល្លិតកូដ។
ភាពជាដៃគូនេះនឹងអនុញ្ញាតឱ្យអតិថិជនក្រុមហ៊ុនមិត្តហ្វូនជាង៦លាននាក់ ទិញប័ណ្ណទូទាត់ហ្គេមអនឡាញ ប័ណ្ណទូទាត់សំរាប់កម្មវិធីទូរទស្សន៍ កម្មវិធីចំរៀង ការបញ្ជាទិញកម្មវិធីផ្សេងៗ នៅលើ គេហទំព័រ វល្លិតកូដ ដោយគ្រាន់តែទូទាត់ការបង់ប្រាក់ពីគណនីទូរស័ព្ទរបស់ពួកគេដោយផ្ទាល់ ។
“ភាគច្រើននៃផលិតផលរបស់យើងត្រូវបានបង្កើតឡើងដើម្បីបំពេញតំរូវការរបស់អ្នកប្រើប្រាស់ជាពិសេស សម្រាប់សហគមន៍អ្នកលេងហ្គេមលើទូរស័ព្ទដៃ”យោងតាមប្រសាសន៍របស់លោក តូ សុខណាង អ្នកគ្រប់គ្រងប្រចាំប្រទេសកម្ពុជា របស់ក្រុមហ៊ុនហ្វរ៉េស អ៊ិនធឺ អ៊ែកទីវ (ខេមបូឌា) ឯ.ក ។លោកបានបន្ថែមទៀតថា “ភាពជាដៃគូរបស់យើងជាមួយក្រុមហ៊ុនមិត្តហ្វូននឹងបើកឱកាសអោយអតិថិជនរបស់ មិត្តហ្វូន អាចទូរទាត់ការបង់ប្រាក់សំរាប់ការបញ្ជាទិញ វ៉ចឆើ ពី វល្លិតកូដ បានទូរទាំង ២៥ ខេត្ត ក្រុង ក្នុងប្រទេសកម្ពុជា រួមទាំងតំបន់ដាច់ស្រយាលបំផុតផងដែរ”។
ទោះបីជាប្រជាជនកម្ពុជាមានចំនួនជាង២០ លាននាក់ ជាអ្នកប្រើប្រាស់ទូរស័ព្ធដៃ ក៍ប៉ុន្តែការកើនឡើងរយៈពេលប៉ុន្មានឆ្នាំកន្លងមកនេះមានតែ៧%នៃប្រជាជនកម្ពុជាជាអ្នកប្រើប័ណ្ណឥណ្ណពន្ធ(Debit Card), សម្រាប់ប្រើប្រាស់ក្នុងទំរង់ជាប្រព័ន្ធហិរញ្ញវត្ថុឌីជីថល ដែលជាហេតុធ្វើឱ្យ មានការលំបាកដល់ការបញ្ជារទិញឬបង់ប្រាក់តាមអនឡាញ Cashless មិនសូវមានដំណើរការល្អ។ ការទូទាត់បង់ប្រាក់ផ្ទាល់តាមរយៈទឹកប្រាក់ក្នុងគណនីលេខទូរស័ព្ទ នឹងការបង់ប្រាក់តាមរយៈដៃគូសហការអនឡាញផ្សេងទៀតកាន់តែផ្តល់ភាពងាយស្រួលដល់ប្រជាជនកម្ពុជាគ្រប់រូបបន្ថែមទៀត។
វល្លិតកូដអនុញ្ញាតឱ្យអ្នកប្រើប្រាស់ទិញផលិតផលឌីជីថលរបស់ខ្លួនតាមរយៈបណ្តាញទូទាត់ងាយស្រួលនិងទំនុកចិត្តខ្ពស់។ លើសពីនេះទៅទៀតដើម្បីបើកប្រតិបត្តិការអោយកាន់តែមានភាពងាយស្រួល វល្លិតកូដក៍បានសហការជាមួយប្រតិបត្តិករទូរស័ព្ទចល័តឈានមុខគេដទៃទៀតចំនួនជាង ១០ ក្នុងប្រទេសចំនួន ៤ នៅអាស៊ីផងដែរ ។
ដោយជាកម្មសិទ្ធរបស់ក្រុមហ៊ុន ហ្វរ៉េស អ៊ិនធឺ អ៊ែកទីវ (Forest Interactive), វល្លិតកូដកម្ពុជា បានផ្តល់ជូននូវប័ណ្ណទូទាត់ហ្គេមអនឡាញ ប័ណ្ណទូទាត់សំរាប់កម្មវិធីទូរទស្សន៍ កម្មវិធីចំរៀង ការបញ្ជាទិញកម្មវិធីឌីជីថលផ្សេងៗជាច្រើនទៀត ដូចជា Mobile Legends Diamond, Garena Shells, Steam Wallet, PUBG Mobile, PSN, Nintendo, Xbox, Netflix, iTunes, Amazon និង Google Play ។
សម្រាប់ព័ត៌មានបន្ថែមសូមចូលទៅកាន់kh.wallet-codes.com ។
អំពីក្រុមហ៊ុន ហ្វរ៉េស អ៊ិនធឺ អ៊ែកទីវ (Forest Interactive) (គិតត្រឹមខែកុម្ភះឆ្នាំ ២០២១)
ហ្វរ៉េស អ៊ិនធឺ អ៊ែកទីវ (Forest Interactive) ជាក្រុមហ៊ុនដែលបង្កើតនូវថ្នាលទូរស័ព្ទចល័ត (Mobile Platform) ដែលអាចឱ្យប្រតិបត្តិករទូរស័ព្ទចល័ត និង អ្នកផ្តល់មាតិកា (Content) បង្កើតបទពិសោធន៍ថ្មីសំរាប់អតិថិជនអោយកាន់តែប្រសើរជាមួយនឹងប្រព័ន្ឌដែលអាចផ្លាស់ប្តូរតាមបំណងបាននិងងាយស្រួលប្រើ។ ជាមួយនឹងបទពិសោធន៍ឧស្សាហកម្មអស់រយៈពេលជាងមួយទសវត្ស ហ្វរ៉េស អ៊ិនធឺ អ៊ែកទីវ (Forest Interactive) បានពង្រីកសាខារបស់ខ្លួនតាមរយៈការចូលរួមនៃក្រុមបុគ្គលិកចំនួន ២៨ សញ្ជាតិនៅក្នុងការិយាល័យប្រចាំតំបន់ចំនួន ១៧ និងប្រទេសចំនួន ៣៩ ដោយប្រតិបត្តិការតាមរយៈការផ្តល់នូវដំណោះស្រាយប្រកបដោយភាពច្នៃប្រឌិតនិងទូលំទូលាយដល់ប្រតិបត្តិករទូរស័ព្ទចល័តជាង ៩០ និងដៃគូមាតិកា (Content Providers) ចំនួន ១២០ ដែលមានសមត្ថភាព ទទួលបាន អតិថិជន ជាង ១,៤ពាន់លាននាក់ នៅទូទាំងពិភពលោក៕
