ភ្នំពេញ ៖ ក្រុមចោរ៣នាក់បានធ្វើសកម្មភាពលួចគាស់ផ្ទះប្រជាពលរដ្ឋមួយកន្លែង ស្ថិតនៅចំណុចផ្លូវលំភូមិថ្មីសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ កាលពីវេលាម៉ោង៣និង៣០យប់ថ្ងៃទី២៧ ខែកុម្ភៈ ឆ្នាំ២០២១។
ម្ចាស់ផ្ទះខាងលើមានឈ្មោះផាត់ ជា ភេទប្រុស អាយុ៥១ឆ្នាំ មុខរបរលក់បាញ់សុងស្នាក់នៅចំណុចខាងលើ។
តាមប្រភពព័ត៌មានពីម្ចាស់ផ្ទះបានឲ្យដឹងថា មុនពេលកើតហេតុគាត់បានទៅលេងស្រុក ហើយចាក់សោរផ្ទះទុកចោលលុះថ្ងៃទី២៨ ខែកុម្ភៈឆ្នាំ២០២១ គាត់ត្រឡប់មកពីស្រុកវិញ ស្រាប់តែឃើញទ្វារផ្ទះចំហរទើបរូបគាត់ឆែកតាមកាម៉េរ៉ាសុវត្ថិភាព ក៏ឃើញមានចោរ៣នាក់ បានធ្វើសកម្មភាពលួចគាស់ផ្ទះរបស់គាត់ ដោយសារសម្ភារដែលបាត់បង់បន្តិចបន្តួច រូបគាត់មិនបានទៅដាក់ពាក្យបណ្តឹងអ្វីនោះទេ៕ រក្សាសិទ្ធិដោយ៖សួង សាម
