ភ្នំពេញ ៖ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ បានឧបត្ថម្ភថវិកាចំនួន ២០លានរៀល ដល់កម្លាំងអាវុធហត្ថ រាជធានីភ្នំពេញ ក្នុងព្រឹត្តិការបង្ក្រាបក្រុមចោរដែលចូលប្លន់និងជម្រិតមិនបានសម្រេច ក្នុងបុរីអង្គរភ្នំពេញ។
សមបញ្ជាក់ថា៖ ក្រុមចាប់ជំរិតចំនួន៤នាក់ ត្រូវបានកម្លាំងកងរាជអាវុធហត្ថរាជធានីភ្នំពេញបាញ់ស្លាប់ នៅក្បែររបងភូមិគ្រឹះ បន្ទាប់ពី រៀចចំគម្រោង ចាប់ជំរិតចាប់ជំរិត អតីតប្រធានសាខាអគ្គីសនី ខេត្តកំពង់ចាមដល់ក្នុងភូមិគ្រឹះ ហើយ បានបែកធ្លាយ ត្រូវកម្លាំង សមត្ថកិច្ចត្រៀមចាំកម្ទេច ។
ហេតុការណ៍ បង្កអោយមានការភ្ញាក់ផ្អើលកាលពីវេលាម៉ោប្រមាណ១១ព្រឹកថ្ងៃទី ០១ ខែ មិនា ឆ្នាំ២០២១ នៅចំនុច វិឡាលេខ ២០ ក្នុង បុរីអង្គរ ភ្នំពេញ ក្នុងភូមិ បន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ។
ជនជនល្មើស ដែលត្រូវសមត្ថកិច្ច បាញ់ស្លាប់នោះ ពុំត្រូវបានស្គាល់អត្តសញ្ញាណឡើយ ដែលក្នុងនោះ មានម្នាក់ ដែលគេស្គាល់ថា អតីតអ្នកបើករថយន្ត ។
ចំណែកជនរងគ្រោះ ត្រូវបានសមត្ថកិច្ច ឲ្យដឹងថា ឈ្មោះ ម៉ៅ ហួរ អាយុ ៥៨ឆ្នាំ ជាអតីតប្រធានសាខាអគ្គីសនី ខេត្តកំពង់ចាម ។
តាមព័ត៌មានអោយដឹងថា ជនល្មើស ក្នុងនោះ មានម្នាក់ ដែលជាអតីតអ្នកបើកបរ អោយមន្ត្រីអគ្គិសនីរូបនោះ បានរៀបចំគម្រោងចាប់ជំរិត ចំនួន ១លានដុល្លារ ពីជនរងគ្រោះ ។នៅក្នុងសកម្មភាព ជនសង្ស័យ ក៍បានទៅទាក់ទង អ្នកបើករថយន្ត របស់ជនរងគ្រោះក្រោយ ហើយក៏បានបែកធ្លាយ ត្រូវបានកម្លាំងកងរាជអាវុធហត្ថត្រៀមចាំអស់រយះពេល ៤ថ្ងៃមកហើយ ។ នៅពេល ដែលជនសង្ស័យជិះរថយន្តមួយគ្រឿង ចូលទៅដល់ចូលទៅក្នុងផ្ទះ ចាក់សោពីក្នុង ត្រូវបានកម្លាំង កងរាជអាវុធហត្ថ ដែលត្រៀមចាំ នៅខាងលើ បាញ់ស្រោច បណ្តាលអោយជនសង្ស័យ ៤នាក់ ស្លាប់នៅក្បែររបងដោយមាន ដោយក្បែរខ្លួន មានកាំភ្លើង អាការ មួយដើមនិងខ្លី២ដើម។
ជនសង្ស័យ ៤នាក់ត្រូវគ្រាប់កាំភ្លើង ជាច្រើនគ្រាប់ និងទ្វារ ធ្លាយទៅដោយគ្រាប់កាំភ្លើង ។ ទោះបីជាយ៉ាងណា សមត្ថកិច្ច ពុំទាន់ផ្តល់ព័ត៌មានលំអិតណាមួយជំវិញ ការបង្ក្រាបក្រុមចាប់ជំរិតនេះឡើយ ៕ រក្សាសិទ្ធិដោយ៖សារឿន
