ថ្មីៗនេះ ស្ត្រីមេម៉ាយ វ័យ៤៣ឆ្នាំ ឈ្មោះ Louise Van Der Velde បានប្រកាសក្តែងៗនាំឲ្យមានការស្លុតអារម្មណ៍របស់ស្ត្រីជាភរិយាមិនតិចនាក់ទេ គ្រានាងនិយាយថា ៖ ខ្លួនកំពុងប្រលែងលេងក្នុងពេលតែមួយជាមួយនឹងបុរសដែលជាអ្នកមាន ហើយប្រាប់ថា ភរិយាទាំងនោះពុំគប្បីខ្មាសអៀនឡើយ ដោយសារតែរក្សាប្តីពុំបាននោះ។
នាងថ្លែងថា “មានស្ត្រីជាភរិយាជាច្រើនដឹងតែពីស្តីបន្ទោសខ្លួនឯង គ្រាដែលប្តីមានសហាយស្មន់។ ពួកគេបាត់បង់ចំណង់ផ្លូវភេទហើយបំភ្លេចវាចោល។ កិច្ចប្រែងទាំងអស់របស់ពួកគេប្រមូលផ្តុំលើកូន និងការងារផ្ទះ។ ពួកគេពុំដែលចាប់អារម្មណ៍ដល់ជីវភាពអាពាហ៍ពិពាហ៍របស់ខ្លួនឡើយ។ អាស្រ័យហេតុនេះ ពុំមានអ្វីគួរងឿងឆ្ងល់ ខណៈពេលមានបុរសជាច្រើនសម្រេចចិត្តទៅរក “របស់” ចម្លែកនោះ ពិតណាស់បុរសជាស្វាមីទាំងនោះអាចធ្វើបែបនេះ ហើយខ្ញុំក៏ពុំទម្លាក់កំហុសដល់ភរិយាស្រស់ស្អាតទាំងឡាយប្រសិនបើគេជ្រុលជ្រោះមានសហាយស្មន់ដែរ -Louise សម្តែងមតិគួរឲ្យ “ខ្លាច”។
ស្ត្រីមេម៉ាយកូន២ កំពុងធ្វើឲ្យគ្រួសារមួយចំនួនរង្គោះរង្គើរបន្ទាប់ពីបានទាក់ទងបុរសជាង៨០នាក់ ដែលមានប្រពន្ធ។ នាងគឺជាតារាបង្ហាញម៉ូត និងជាអ្នកឯកទេសព្យាបាលតណ្ហាសាស្ត្រ មានកូន២នាក់ ហើយចាប់ផ្តើមមានប្រុសស្នេហ៍ថ្មីនៅអំឡុងពេលចុងក្រោយជាមួយស្វាមីដែលបានស្លាប់។ អ្នកទាំង២ បានព្រមព្រៀងគ្នាតាំងពីដំបូងថា ពួកគេរស់នៅតាមបែប “សេរីភាពតណ្ហា”។ រហូតទល់ពេល Stephen ដែលបានស្លាប់ នាងផុសគំនិតថា ដល់ពេលដែលនាងត្រូវឆ្លៀតប្រើប្រាស់ពេលវេលាដែលនៅសល់សម្រាប់រឿងរួមមេត្រី។
Louise និងអតីតស្វាមីដែលបានស្លាប់ Stephen
តាំងពីពេលនោះមកស្ត្រីមេម៉ាយរស់នៅ Yorkshire ភាគខាងជើង ចាប់ផ្តើមស្វែងរកដៃគូតាមរយៈបណ្តាញសង្គម ហើយក៏បានរួម “មេត្រីភាព” ជាមួយមនុស្សយ៉ាងច្រើន។ ពិសេសនៅក្នុងថ្ងៃបុណ្យណូអែល សម្រាកវិសមកាល ឬ Valentine ជាខណៈពេលដែលប្រុសស្នេហ៍សម្រុកមករកខ្លាំងបំផុត។
បច្ចុប្បន្ននេះ Louise កំពុងរួមមេត្រីជាមួយបុរស៣នាក់ ដែលមានភរិយាក្នុងពេលតែ១។ នាងក៏អះអាងថា ពុំមានបំណងរកបន្ថែមមួយទៀតទេ ហើយក៏ពុំចាប់អារម្មណដល់ជីវភាពអាពាហ៍ដែរ។ ទោះបីមនុស្សជាច្រើនជេរប្រទេសចថ្កោលទោស តែ Louise នៅចាត់ទុកថា ខ្លួនកំពុង “ជួយដល់អ្នករាល់គ្នា”។
ទស្សនា សម្រស់របស់ស្ត្រីមេម៉ាយកូន២ ដែលកំពុងធ្វើឲ្យគ្រួសារជាច្រើនរង្គោះរង្គើរ ។ លីសា
