ភ្នំពេញ ៖ បុរសម្នាក់បានបើករថយន្តកូរ៉េដឹកទំនិញក្នុងលឿនលឿនមិនប្រយ័ត្ន បានជ្រុលទៅបុកនិងម៉ូតូ២គ្រឿងរួចបន្តទៅបុករថយន្តធុនធំមួយគ្រឿងទៀត កំពុងឆ្លងផ្លូវចំពាក់កណ្តាលពេញទំហឹង បណ្តាលឲ្យរថយន្តបង្ករងការខូចខាតផ្នែកខាងមុខស្ទើទាំងស្រុង។ សំណាងល្អមិនគ្រោះថ្នាក់ដល់អាយុជីវិត។
ហេតុការណ៍គ្រោះថ្នាក់ចរាចរណ៍នេះដែរ កើតឡើងនៅវេលាម៉ោង៦ និង១៥នាទីព្រឹកថ្ងៃអង្គារទី២ ខែមីនា ឆ្នាំ ២០២១ ស្ថិតនៅតាមបណ្តោយផ្លូវ២៧ ក្នុងសង្កាត់បឹងទំពុនទី១ ខណ្ឌមានជ័យ រាជធានីភ្នំពេញ។
ប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តធុនធំមួយគ្រឿងពណ៌ខៀវពាក់ផ្លាកលេខ ភ្នំពេញ3-A5698 បើកបរដោយបុរសម្នាក់រួមដំណើរ៣នាក់ទៀត ធ្វើដំណើរតាមបណ្តោយផ្លូវ២៧១ ក្នុងទិសដៅពីលិចទៅកើតក្នុងល្បឿនមធ្យម ខណៈមកដល់ចំណុចកើតហេតុបម្រុងនិងបត់ឆ្លងផ្លូវ ស្រាប់តែមានរថយន្តម៉ាកកូរ៉េដឹកទំនិញមួយគ្រឿងទៀតក្បាលពណ៌ប្រផេះពាក់ផ្លាកលេខភ្នំពេញ3-D3144 បើកបរដោយបុរសម្នាក់និងរួមដំណើរ៣នាក់ទៀត ធ្វើដំណើរតាមបណ្តោយផ្លូវ២៧១ដូចគ្នា ក្នុងទិសដៅពីលិចទៅកើតក្នុងល្បឿនលឿនមិនប្រយ័ត្ន បានជ្រុលចង្កូតទៅបុករះម៉ូតូ២គ្រឿង រងការខូចខាតរួចទៅបន្តទៅបុករថយន្តធុនធំដែលកំពុងឆ្លងផ្លូវមួយគ្រឿងទៀត ពេញទំហឹងបណ្តាលឲ្យរថយន្តបង្ករងការខូចខាតផ្នែកខាងមុខទាំងស្រុង និងកៀបតៃកុងរថយន្តជាប់តែសំណាងល្អបានប្រជាពលរដ្ឋជួយគាស់យកទៅសង្គ្រោះបន្ទាន់ភ្លាមៗ។
ក្រោយពេលកើតហេតុសមត្ថកិច្ចមូលដ្ឋាន សហការជាមួយនឹងខាងជំនាញចរាចរណ៍ខណ្ឌមានជ័យចុះមកដល់រួចក៏បានទំនាក់ទំនងទៅខាងជំនាញក្រុង ឲ្យចុះមកវាស់វែងនិងធ្វើកំណត់ហេតុយករថយន្តស្ទូច មកស្ទូចយករថយន្តទាំង២គ្រឿងទៅរក្សាទុកនៅខាងការិយាល័យចរាចរណ៍ផ្លូវគោក នៃស្នងការរាជធានីភ្នំពេញរង់ចាំដោះស្រាយនៅពេលក្រោយ៕ រក្សាសិទ្ធិដោយ៖សា មេត