ភ្នំពេញ ៖ ត្រឹមពេលផ្សារបិទថ្ងៃចន្ទម្សិលមិញនេះ ថ្លៃភាគហ៊ុនកំពង់ផែស្វយ័តក្រុងភ្នំពេញ (PPAP) បានថយចុះចំនួន១.១៦០រៀលក្នុងមួយហ៊ុន មកត្រឹម១២.៧៨០រៀល។
រួមជាមួយគ្នានេះដែរ ភាគហ៊ុនបីទៀតគឺរដ្ឋាករទឹកស្វយ័តក្រុងភ្នំពេញ (PWSA) កំពង់ផែស្វយ័តក្រុងព្រះ សីហនុ (PAS) និងធនាគារអេស៊ីលីដា (ABC) បានធ្លាក់ចុះ៨០រៀល ១០០រៀល និង២០រៀល មកត្រឹម៦.០០០រៀល ១៣.១០០រៀល និង១៦.៨២០រៀល រៀងគ្នា។
ផ្ទុយមកវិញ ភាគហ៊ុនតំបន់សេដ្ឋកិច្ចពិសេសភ្នំពេញ (PPSP) និងផេសថិក (PEPC) មានកំណើន១០រៀល ដូចគ្នា ដោយឡើងដល់១.៦០០រៀល និង២.៩១០រៀល។
ការថយចុះថ្លៃភាគហ៊ុនកំពង់ផែស្វយ័តក្រុងភ្នំពេញ (PPAP) បានបណ្តាលឱ្យសន្ទស្សន៏ផ្សារ មូល បត្រកម្ពុជាមានការធ្លាក់ចុះមកវិញ ០,៤៨រៀល មកត្រឹម ៦៣៦,៩១ពិន្ទុ។ ទំហំជួញដូរភាគហ៊ុនសរុបបានឡើងដល់ ២៩៩,៣៨ លានរៀល៕ រក្សាសិទ្ធិដោយ៖បញ្ញាស័ក្តិ
