ភ្នំពេញ ៖ ជុំវិញករណីដ៏រន្ធត់ នោះប្រិយមិត្តបានជ្រាបហើយ ដោយកាលពីវេលាម៉ោងប្រមាណ ១១ ព្រឹក ថ្ងៃទី១ ខែមីនា ឆ្នាំ២០២១ ម្សិលមិញនេះ កម្លាំងកងរាជអាវុធហត្ថរាជធានីភ្នំពេញ ដឹកនាំបញ្ជាផ្ទាល់ដោយលោកឧត្តមសេនីយ៍ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ បានបើកប្រតិបត្តិការចុះបង្ក្រាបក្រុមឧក្រិដ្ឋជន ក្នុងករណីប្លន់ជំរិតទារប្រាក់១លានដុល្លារ ពីម្ចាស់ផ្ទះរងគ្រោះ នៅក្នុងបុរីអង្គរភ្នំពេញ ស្ថិតនៅសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
ជាការពិតណាស់ ដោយសារតែក្រុមឧក្រិដ្ឋជននោះ បានបាញ់ស្រោចមកលើកងកម្លាំង ជាហេតុធ្វើឲ្យសមត្ថកិច្ចសម្រេចប្រើសិទ្ធិការពារខ្លួន ដោយបាញ់តបតរហូតបណ្តាលឲ្យក្រុមឧក្រិដ្ឋជនដែលមានគ្នា៤នាក់ ស្លាប់ជាបន្តបន្ទាប់នៅក្នុងភូមិគ្រឹះនោះ។
ក្នុងនោះ ឧក្រិដ្ឋជនម្នាក់ត្រូវបានរកឃើញថា មានកាតសម្គាល់ជាមន្ត្រីនៅក្នុងបញ្ជាការដ្ឋានអង្គរក្ស ប៉ុន្តែ ក្រោយមក ត្រូវបាននាយឧត្តមសេនីយ៍ ហ៊ីង ប៊ុនហៀង អគ្គមេបញ្ជាការរងនៃ កងយោធពលខេមរភូមិន្ទ និងជាមេ បញ្ជាការដ្ឋានបញ្ជាការដ្ឋានអង្គរក្ស បានបដិសេធ និងច្រានចោលចំពោះ ព័ត៌មាននេះថា ឧក្រិដ្ឋជននេះ គឺមិនមែននៅ បញ្ជាការដ្ឋានអង្គរក្សទេ ហើយក៏មិនមានឈ្មោះនៅក្នុងបញ្ជីអង្គរក្សដែរ។
ជាមួយគ្នានេះផងដែរ ដើម្បីឲ្យដឹងបន្ថែមពីបុគ្គលរូបនេះ ក្នុងនោះគេក៏បានឃើញផេក Pro Troll បានធ្វើការលើកឡើងថា៖ «តោះមកដឹងរឿងខ្លះពីកំពូលចោរសាហាវវ័យក្មេងនេះ!
អ្នកទាំងអស់គ្នាប្រាកដជាឆ្ងល់ថា ចុមអាយុ 21សោះស័ក្ដ4 ? ចុមជិះសុទ្ធតែឡានទំនើបមិចបានធ្វើចឹង ប្រហែលវាកូនអ្នកមានហើយ ចុះបើកូនអ្នកមានមិចបានវាធ្វើចឹង? ចុះនៅវីឡា លុយក្នុងកុងរាប់ម៉ឺនដុល្លា? មិចបានមកប្លន់?
តាមពិតទៅអាក្មេងនេះ វាគ្រាន់តែជាអតីតអ្នកបើកឡានឲ្យម្ចាស់ផ្ទះប៉ុណ្ណោះ (មិនដឹងថាវាជាប់សាច់ឈាម ឬម៉ែឪវាយកទៅផ្ញើរម្ចាស់ផ្ទះឬយ៉ាងណាទេ) តាមប្រភពប្រាប់ Admin ថាវាត្រូវបានម្ចាស់ផ្ទះដេញចេញ(សោយរឿងមុនទុកចិត្ត) ហើយថ្មីៗនេះក៏សុំចូលធ្វើការវិញតែម្ចាស់ផ្ទះមិនអនុញ្ញាតក៏រៀបគំរោងប្លន់ ។
ឃើញ Show off គ្រប់យ៉ាង លុយក្នុងកុងរាប់ម៉ឺន(Edit) ជិះឡានទំនើប នៅវីឡានោះ (សុទ្ធតែជារបស់ម្ចាស់ផ្ទះទាំងអស់ឬយ៉ាងណា? ពិចារណាខ្លួនឯង) ដែលរាល់ពេលជូនគេទៅប្រជុំឬទៅណាមកណា រួចសល់ពេលដែលចាំចៅហ្វាយ វាតែងតែជិះ ថតផុសដើម្បីអួតស្រីស្នេហ៍ប៉ុណ្ណោះ (ក្រចង់ធ្វើមាន)
ឆ្ងល់ថាក្មេងទេហេតុអីមានស័ក្ដធំម៉េស? តាមពិតទៅស័ក្ដនេះ មិនមែនជាទាហានក្រមខ័ណ្ឌអីនោះទេ វាគ្រាន់តែជាទាហានអួតស្រីប៉ុណ្ណោះ គ្មានអង្គភាពច្បាស់លាស់ឡើយ។ (នេះបើយោងតាមការច្រានចោលពត៌មានរបស់ផេក អគ្គបញ្ជាការដ្ឋានកងអង្គរក្សផុស)
ឆ្ងល់ទៀតហើយ មិចបានវារៀបចំខ្លួនចូលប្លន់មើលទៅទំនងជាចោរជំនាញម្ល៉េះ ? ចម្លើយគឺវាលេង PUBG ច្រើនពេក ទុកចិត្តដៃគូរពេកចុងក្រោយ PM Chicken Dinner
កុំចាយហួសមាឌ កុំអួតហួសសម្ថភាព កុំលោភលន់ ចុងបញ្ចប់នៃជីវិតគឺសូន្យដូចខ្មោចឆ្កែ។»៕ រក្សាសិទ្ធិដោយ៖ លឹម ហុង