ភ្នំពេញ ៖ ដូចដែលប្រិយមិត្តបានដឹងហើយ ពីករណីគ្រោងការជម្រិត និងប្លន់ដ៏រន្ធត់ ប៉ុន្តែ មិនបានសម្រេច ដោយសារក្រុមឧក្រិដ្ឋជនជាចោរប្លន់នោះ បានផ្លោះរបងចូលក្នុងភូមិគ្រឹះជនរងគ្រោះ ហើយបានបាញ់ស្រោចមកលើសមត្ថកិច្ច ដែលកំពុងស្ថិតនៅក្នុងផ្ទះត្រៀមរួចជាស្រេច ជាហេតុធ្វើឲ្យសមត្ថកិច្ចកងរាជអាវុធរាជធានីភ្នំពេញ បានប្រើសិទ្ធិការពារខ្លួនតបទៅវិញ បណ្តាលឲ្យក្រុមចោរទាំង៤នាក់ ស្លាប់នៅក្នុងភូមិគ្រឹះតែម្តង។
ក្នុងប្រតិការជួយសង្គ្រោះជនរងគ្រោះជាម្ចាស់ផ្ទះ និងក៏ដូចបង្ក្រាបទៅលើក្រុមឧក្រិដ្ឋជនទាំង៤នាក់ ឲ្យដេកស្តូកស្តឹងដ៏ជោគជ័យនេះផងដែរ នោះរូបភាព១សន្លឹករបស់លោកវរសេនីយ៍ឯក សៀ ទីន ដែលជាកូនប្រុសបង្កើតរបស់លោក រ័ត្ន ស្រ៊ាង ឃើញថា ឃើញថាបានទទួលការចាប់អារម្មណ៍ខ្លាំង ព្រោះថាពុំត្រឹមជាកងរាជអាវុធដ៏មានភាពអង់អាចក្លាហានប៉ុណ្ណោះទេ តែលោកក៏មានរូបរាងដ៏ស្រស់សង្ហាថែមទៀតផង។
យ៉ាងណាមិញ តាមរយៈរូបភាពមួយសន្លឹកនេះផងដែរ គេសង្កេតឃើញមានថាជាពិសេសនារីៗជាច្រើន បាននាំគ្នាលួច Crush ឡើងផ្អើលហ្វេសប៊ុកតែម្តង ដល់ថ្នាក់ពោលពាក្យបែបៗនេះថា៖ «សង្ហារណាស់, លង់ស្នេហ៍ អ.ហ ហើយ បាញ់បេះដូងអូនខ្ទេច, អស្ចារ្យខ្លាំងណាស់ share អោយពិភពលោកឃើញផង, ហូបអីនុង អីក៏សង្ហាហ្វេសបង, ប៉ូលីសសង្ហា ហើយក្លាហានទៀត, កម្រសរសើរគេណាស់ តែលើកនេះសូមសរសើរបងអ.ហ មួយចុះ ចង់ប្រាប់ថា ឈុតនេះសង្ហាមែនបង, បងប៉ូលីសសុំថើបមួយ» និងនៅមានពាកយសរសើរយ៉ាងច្រើនទៀងផងដែរ៕ រក្សាសិទ្ធិដោយ៖ លឹម ហុង