ខេត្តបាត់ដំបង ៖ សេចក្តីរាយការណ៍ពីស្រុករតនមណ្ឌល ខេត្តបាត់ដំបងនៅព្រឹកថ្ងៃទី២ ខែមីនាឆ្នាំ២០២១ឲ្យដឹង ថាគ្រោះធម្មជាតិបង្កឡើងពេលអាកាសធាតុអាប់អួ បណ្តាលឲ្យផ្ទៃមេឃមានភ្លៀងលាយលំនឹងផ្គររន្ទះបាញ់ បាញ់ត្រូវស្ត្រីម្នាក់ស្លាប់ និងងាប់គោ ៦ក្បាល។
អាជ្ញាធរមូលដ្ឋានបានបញ្ជាក់ថា គ្រោះធម្មជាតិរន្ទះបាញ់សម្លាប់មនុស្ស និងសត្វពាហនៈនេះបានកើតឡើងចំនួន ២លើកនៅរសៀលថ្ងៃទី ១ ខែកុម្ភៈ ឆ្នាំ ២០២១ ត្រង់ចំណុចភូមិពេជ្រសង្វា ឃុំស្តៅ ស្រុករតន:មណ្ឌល ខេត្ត បាត់ដំបង។
អាជ្ញាធរលើកឡើងទៀតថា ករណីទី ១ បណ្តាល ឲ្យស្លាប់ស្ត្រីរងគ្រោះម្នាក់ឈ្មោះឃុន សុខុម អាយុ ៦៩ ឆ្នាំ រស់ នៅភូមិ ឃុំកន្លែងកើតហេតុខាងលើ។ ហើយករណីទី២ បានកើត ឡើងនៅត្រង់ ចំណុច ភូមិអណើ្តក ដប់មួយ ឃុំស្តៅ ស្រុករតន:មណ្ឌល បណ្តាលឲ្យងាប់សត្វគោចំនួន ៦ក្បាលនៅទីវាលចម្ការ។
ក្រុមអាជ្ញាធរមូលដ្ឋាននិងសមត្ថកិច្ចស្រុករតនមណ្ឌល បានអំពាវនាវដល់ប្រជាពលរដ្ឋមាន ការប្រុងប្រយ័ត្ន នៅពេលផ្ទៃមេឃមានសភាពអាប់អួរឬកល់រកភ្លៀង សូមកុំចេញទៅក្រៅផ្ទះឬទីវាលព្រោះការប្រែ ប្រួល អាការ ធាតុបណ្តាលឲ្យកើតមានបាតុភូតរន្ទះនិងខ្យល់កន្ត្រាក់គ្រោះថ្នាក់ដល់អាយុជីវិតទាំងមនុស្សនិងសត្វ៕ រក្សាសិទ្ធិដោយ៖CEN
