ភ្នំពេញ ៖ បើគិតត្រឹមម៉ោងជាង ២ រសៀល ថ្ងៃទី២ ខែមីនា ឆ្នាំ២០២១ នោះសាកសពឧក្រិដ្ឋជនជាចោរប្លន់ទាំង៤នាក់ ដែលត្រូវបានដឹកយកមកតម្កល់ទុកនៅឈាបនដ្ឋានវត្តទឹកថ្លា ត្រូវបានបូជាជាបន្តបន្ទាប់មក ខណៈសពខ្លះ គ្រួសារក៏បានមកទាន់ រៀបចំដាក់មឈូសត្រឹមត្រូវ និងនិមន្តព្រះសង្ឃសូត្រមន្តផងដែរ។
ប៉ុន្តែ អ្វីដែលគួរឲ្យភ្ញាក់ផ្អើលនោះ គឺក្រោយពីលោកតាចារ្យភ្លុក បានបូជាអស់ចំនួន ៣ សព ក៏ស្រាប់តែឪម្តាយឧក្រិដ្ឋជនម្នាក់ ដែលមកមិនទាន់សពកូនបូជា បានឡាំប៉ាជាមួយលោកតាចារ្យភ្លុកឡើងផ្អើល ព្រោះតែពួកគាត់ខ្លាចលោកអាចារ្យភ្លុកឲ្យធាតុខុស។
តែទោះយ៉ាងណា បើតាមលោកតាអាចារ្យភ្លុក បាននិយាយយ៉ាងច្បាស់ថា គាត់មិនមែនការច្រឡំនោះទេ គឺគាត់បូជាទៅតាមលេខរៀង ដែលប៉ូលីសបានកំណត់ឲ្យគាត់បូជា ព្រោះថា ធាតុសព២សពទៀត (ទី១ និងទី២) ក៏ក្រុមគ្រួសារគេមកទទួលយកអស់ហើយដែរ ដោយនៅសល់តែសពមេខ្លោងឧក្រិដ្ឋនម្នាក់ឈ្មោះ អ៊ឹម សុវណ្ណារិទ្ធ ពុំត្រូវបានក្រុមគ្រួសារចូលខ្លួន មកទទួលសាកសពទៅធ្វើបុណ្យនោះទេ ដែលទំនងជា ខ្លាចប៉ះពាល់អាប់កិត្តិយសរបស់ពួកគេ?៕ រក្សាសិទ្ធិដោយ៖ លឹម ហុង
