ភ្នំពេញ ៖ ការផ្តន្ទាទោសពិរុទ្ធជនជាកូនធ្វើឡើងដោយចៅក្រមជំនុំជម្រះសាលាដំបូងរាជធានីភ្នំពេញលោកកុល កំពូល ជាប្រធានក្រុមប្រឹក្សានិងលោក សំម ឫទ្ធីវាសនា ជាតំណាងអយ្យការ កាលពីរសៀលថ្ងៃទី២ខែមិនាឆ្នាំ២០២១ ម្សិលមិញនេះ ។
កាលពីថ្ងៃទី២ឋែមិនាឆ្នាំ២០២១តុលាការបានប្រកាសសាលក្រមផ្តន្ទាទោសជន ជាប់ចោទឈ្មោះ អ៊ាម សំណាង ភេទ ប្រុសអាយុ៣២ឆ្នាំ មុខរបរ បុគ្គលិក រោងចក្រតំឡើងម៉ូតូហុងដា ស្ថិតនៅផ្លូវ វេងស្រេង មានទីកន្លែងកំណើត ស្រុកកោះប៉ែនខ ឃុំកោះមិត្ត ស្រុកកំពង់សៀម ខេត្តកំពង់ចាម ដាក់ពន្ធនាគារកំណត់៣០ឆ្នាំ ក្រោមការចោទប្រកាន់ពីបទ.ឃាតកម្ម ដោយអំពើឃោរឃៅ (ដោយកូននប្រុសមានជំងឺសសៃប្រសាទ ចាប់អាករ ម្តាយដាច់ពីស្មារក្នុងបន្ទប់ជួល នៅខណ្ឌពោធិ៍សែនជ័យ) ។
គួររំលឹកថា ស្ត្រីចំណាស់ម្នាក់ត្រូវបាន កូនប្រុសចាប់អារក ដាច់ចេញពីស្មារ ស្លាប់ក្នុងបន្ទប់ជួល រួចរត់គេចខ្លួនបាត់ កាលពីម៉ោង១១យប់ថ្ងៃសុក្រ ថ្ងៃទី ២៨ ខែ សីហា ឆ្នាំ២០២០ ដល់វេលាម៉ោង៧ព្រឹក ថ្ងៃសៅរ៍ ទី២៩ ខែសីហា ២០២០ ទើបមានមានការភ្ញាក់ផ្អើលថាមានមនុស្សស្លាប់នៅចំណុចបន្ទប់ជួលលេខ២០២ ជាន់ទី២ ស្ថិតក្នុងបុរីសឡា ភូមិចោមចៅ៣ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។
ក្រោយពីឃាតកម្មកើតឡើងសមត្ថកិច្ចបើកការស៊ើបអង្កេតទើបឈានដល់ការឃាត់ខ្លួនជនសង្ស័យជាកូនបង្កើតនៅវេលាម៉ោង១០និង៣០នាទីព្រឹកថ្ងៃ២៩ ដោយមានប្រជាពលរដ្ឋឃើញជនសង្ស័យដើរស្រាត នៅក្រោយមន្ទីរពេទ្យសែនសុខIU ក៏បានរាយការណ៍ទៅសមត្ថកិច្ចមកមើល ទើបដឹងថាជាជនដៃដល់ពិតប្រាកដ ក៏ឃាត់ខ្លួន យកមកសាកសួរនៅផ្នែកជំនាញនៃអធិការដ្ឋាននគរបាលខណ្ឌពោធិ៍សែនជ័យតែម្តង៕ រក្សាសិទ្ធិដោយ៖CEN
