ថ្មីៗនេះ មានករណីអំពើឃាតកម្មដ៏សាហាវព្រៃផ្សៃ បានកើតឡើងទៀតហើយ ដោយនារីរូបស្រស់ស្អាតម្នាក់ ដែលជាបុគ្គលិកកាស៊ីណូនៅប៉ោយប៉ែត ត្រូវបានឃាតករអារ.កស្លាប់យ៉ាងអាណោចអាធម នៅក្នុងបន្ទប់ជួលមួយកន្លែង ស្ថិតនៅស្ថិតក្នុងភូមិក្បាលស្ពាន ១ (ម្តុំគ្លីនិកនគររាជ្យ) ក្នុងសង្កាត់/ក្រុង ប៉ោយប៉ែត ខេត្តបន្ទាយមានជ័យ ។
បើតាមប្រភពព័ត៌ឋម កាលពីថ្ងៃទី០២ ខែមីនា ឆ្នាំ២០២១ បានឲ្យដឹងថា នារីរងគ្រោះដែលមានឈ្មោះ ហួន ស្រី អាយុ ២២ ឆ្នាំ ជាបុគ្គលិកកាស៊ីណូ ផ្នែក SlotSuper Machin ត្រូវបានមិត្តប្រុសជាជនជាតិចិនអារ.កសម្លាប់នៅក្នុងបន្ទប់ជួល។
តែបើតាមកូនខ្លាតូចដកស្រង់ពីប្រភពមួយ បានចែករំលែកនៅថ្ងៃទី០៣ ខែមីនា ឆ្នាំ២០២១ នេះ បានឲ្យដឹងផ្សេងថា នេះជាករណីឃាតកម្មប្លន់រំលោភសម្លាប់ និងភ្ជាប់រូបថជនសង្ស័យម្នាក់ចំនួន២សន្លឹក ដែលគេសង្ស័យជាប់ព័ន្ធនឹងករណីនេះ។
ដោយឡែក បើតាមប្រភមួយទៀត បានឲ្យដឹងថា សពនារីរងគ្រោះខាងលើ មានស្នាមចាក់ជាច្រើនកាំបិត រួមទាំងមានស្នាមអារ.ក ហើយយកភួយគ្របពីលើសព។ ចំណែកដៃទាំងពីរបស់នាងក៏ត្រូវឃាតករមិនស្គាល់មុខ យកអាវទ្រនាប់ចងភ្ជាប់បន្ថែមទៀត។
ប្រភពបន្តថា បុរសជាជនសង្ស័យម្នាក់ ដែលជាប់ពាក់ព័ន្ធករណីឃាតកម្មខាងលើនេះ (សុំមិនបញ្ចេញឈ្មោះ) ជាជនជាតិខ្មែរ ត្រូវបានកម្លាំងនគរបាលក្រុងប៉ោយប៉ែត ឃាត់ខ្លួនមកសួរនាំ ប៉ុន្តែ ទោះយ៉ាងណា ករណីនេះគេនៅមិនទាន់ដឹងថាជាករណីប្លន់ ឬ ជារឿងស្នេហាត្រីកោណនៅឡើយ ព្រោះពេលនេះ សមត្ថកិច្ចជំនាញកំពុងតែធ្វើការស្រាវជ្រាវបន្ថែម៕ រក្សាសិទ្ធិដោយ៖ លឹម ហុង
