ភ្នំពេញ ៖ ជនសង្ស័យម្នាក់ធ្វើសកម្មភាពលួចម៉ូតូបានសម្រេច ខណៈពេលម្ចាស់ស្រវឹងស្រាដេកលង់លក់ភ្លេចដកសោ រួចព្យាយាមជិះរត់គេចដល់ផ្លូវព្រះស៊ីសុវត្ថិ ជិតនិងផែថ្មក៏ជ្រុលទៅបុករថយន្តនៅខាងមុខ បណ្តាលឲ្យដួលត្រូវប្រជាពលរដ្ឋឃាត់បានវាយទ្រោមខ្លួន រួចប្រគល់ឲ្យសមត្ថកិច្ច។
ហេតុការណ៍ការភ្ញាក់ផ្អើលនេះដែរកើតឡើងនៅវេលាម៉ោង ១០ និង ៣០ នាទីយប់ថ្ងៃសៅរិ៍ ទី៧ ខែមីនាឆ្នាំ ២០២១ ត្រង់ចំណុចដែលប្រជាពលរដ្ឋឃាត់់បានជិតនិងផែថ្ម តាមបណ្ដោយផ្លូវព្រះស៊ីសុវត្ថិ ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
ប្រភពព័ត៍មានពីជនសង្ស័យឈ្មោះ ម៉ៅ មុខរបររើសអេតចាយបានសារភាពប្រាប់ឱ្យដឹងថា មុនពេលកើតហេតុជនសង្ស័យម្នាក់ដើរធ្វើជារើសអេតចាយ នៅតាមបណ្តោយផ្លូវព្រះនរោត្តមត្រង់ចំណុចស្តុបមន្ទីរពេទ្យអង្គឌួង ក្នុងសង្កាត់វត្តភ្នំ ខណ្ឌដូនពេញ ខណះពេលដែលឃើញម្ចាស់ម៉ូតូមួយគ្រឿង ម៉ាកទ្រីមសង់សេ១២៥ សេរី២០១០ពណ៌ខ្មៅដែលពាក់ផ្លាកលេខភ្នំពេញ 1-AR 1176 ស្រវឹងស្រាដេកលង់លក់ស្រាប់តែឃើញមានឲកាសក៏បានចូល
ទៅកាច់សោជិះរត់បានសម្រេច តែបានប្រជាពលរដ្ឋឃើញទាន់ក៏បាននាំគ្នាជួយប្រដេញប្រកៀកប្រកឹត ពីក្រោយរួចនាំគ្នាស្រែកថាចោរហូតដល់ត្រង់ចំណុចជិតនិងផែថ្ម ផ្លូវព្រះស៊ីសុវត្ថិជនសង្ស័យបានជិះទៅបុកពីក្រោយរថយន្តមួយគ្រឿង ដែលមិនចាំម៉ាកបណ្តាលឲ្យដួលត្រូវប្រជាពលរដ្ឋឃាត់បានវាយម្នាក់មួយដៃមួយជើង បណ្តាលឲ្យរងរបួស រួចបានទំនាក់ទំនងទៅសមត្ថកិច្ចឲ្យចុះមកវាយខ្នាស់យកទៅភ្លាមៗ។
ក្រោយកើតហេតុសមត្ថកិច្ចមូលដ្ឋានបានចុះមកដល់រួចឲ្យកង់បីដឹកជនសង្ស័យ និងជនរងគ្រោះទៅចង្អុលបង្ហាញនៅកន្លែងកើតហេតុ ហើយបាននាំជនសង្ស័យទៅប៉ុស្តិ៍នគរបាលរដ្ឋបាលវត្តភ្នំ ដើម្បីសាកសួរនិងកសាងសុំរឿងចាត់ការទៅតាមនីតិវិធីផ្លូវច្បាប់៕ រក្សាសិទ្ធិដោយ៖ សា មេត
