តំណាងរាស្ត្រប៉ាគីស្ថានម្នាក់ បានសម្តែងនូវកង្វល់ខណៈពេលរកឃើញមានទណ្ឌិតជនជាតិចិនជាច្រើន ធ្វើការក្នុងបណ្តាគ្រោងការអភិវឌ្ឍន៍ក្នុងក្របខ័ណ្ឌវិថីសេដ្ឋកិច្ចចិន-ប៉ាគីស្ថាន (CPEC) ។
កំពង់ផែ Gwadar, “កំពូលគ្រោងការណ៍” ស្ថិតក្នុងក្របខ័ណ្ឌវិថីសេដ្ឋកិច្ចចិន-បាគីស្ថាន។
អ្នកលើកបង្ហាញពត៌មាននេះគឺលោក Nawab Mohammad Yousuf Talpur តំណាងរាស្ត្រនៃគណបក្សប្រជាជនប៉ាគីស្ថាន (PPP)។ លោកឲ្យដឹងថា ៖ “ខ្ញុំទើបដឹងថា ទណ្ឌិតនៅបណ្តាពន្ធធនាគាររបស់ចិនត្រូវបានបញ្ជូនមកកាន់ទីនេះ ហើយពួកគេកំពុងចូលរួមការសាងសង់ផ្លូវថ្នល់។ ពួកគេអាចជាប់ពាក់ព័ន្ធនឹងសកម្មភាពឧក្រិដ្ឋកម្ម ដូច្នេះចាំបាច់ត្រូវមានការរៀបចំសន្តិសុខឲ្យបានសមស្រប”។
“ខ្ញុំបានទាក់ទងជាមួយមន្ត្រីពាក់ព័ន្ធ ហើយអ្នកនោះបានបញ្ជាក់ថា ពិតជាមានទណ្ឌិត (ចិន) កំពុងធ្វើការនៅប៉ាគីស្ថាន។ ការមន្ទិលសង្ស័យរបស់ខ្ញុំ បន្ទាប់ពីមានប្រតិកម្មស្រពិចស្រពិលពីក្រសួងមហាផ្ទៃ ដោយឆ្លើយថា ពួកគេពុំបានដឹងពីរឿងនេះ តែក៏មិនបដិសេធសេចក្តីប្រកាសរបស់ខ្ញុំ” -តំណាងរាស្ត្រ Yousuf ពោលបន្ថែម។
តាមតំណាងរាស្ត្រខាងលើ នោះចិននិងប៉ាគីស្ថានប្រាកដជាមួយការព្រមព្រៀងសម្ងាត់មួយ ដែលពុំត្រូវបានប្រកាសជាសាធារណៈដោយហេតុថា ទណ្ឌិតមិនត្រូវបានបញ្ជូនពីប្រទេសមួយទៅកាន់ប្រទេសមួយទៀត ដែលម្ចាស់ប្រទេសទទួលយកនោះពុំត្រូវបានផ្តល់ព័ត៌មានជាមុន។
រយៈពេលកន្លងមកមានជនជាតិចិនជាច្រើននៅប៉ាគីស្ថាន ត្រូវបានចាប់ខ្លួន ព្រោះជាប់ទាក់ទិនដល់ករណីឆបោកតាម ATM ។ ក្នុងការឆ្មក់២លើករបស់ប៉ូលិសប៉ាគីស្ថាន ពួកគេចាប់បានជនជាតិចិន១ចំនួន បានប្រើប័ណ្ណឥណទានក្លែងក្លាយដើម្បីដកយកប្រាក់។ ការឆ្មក់ចាប់ទាំង២លើកនេះ ប៉ូលិសវាយឆ្មក់យកបានកាត ATM យ៉ាងច្រើន ព្រមទាំងសាច់ប្រាក់ច្រើនលានក៏ត្រូវបានរឹបអូស រួមជាមួយការឃាត់ខ្លួនមុខសញ្ញា។
តាមការប៉ាន់ស្មានបច្ចុប្បន្នមានជនជាតិចិន ៤០០.០០០នាក់ កំពុងរស់នៅប៉ាគីស្ថាន ក្នុងនោះ១ភាគធំ កំពុងធ្វើការក្នុងបណ្តាគ្រោងការណ៍ចំណុះក្របខណ្ឌ CPEC ដែលជាផ្នែកមួយក្នុងគ្រោងការណ៍ខ្សែក្រវ៉ាត់មួយវិថីមួយរបស់ក្រុងប៉េកាំង៕ សូយន