កំពង់ស្ពឺ ៖ សមត្ថកិច្ចនិងប្រជាពលរដ្ឋមួយភូមិ ដេញព័ទ្ធចាប់ជនដៃដល់ម្នាក់ប្រើកាំបិតផ្គាក់ កាប់ក្មេងប្រុសម្នាក់អាយុទើបតែ១ឆ្នាំកន្លះ ត្រូវចំនួន២កន្លែងបណ្តាលឲ្យស្លាប់។
ហេតុការណ៍កាប់សម្លាប់ក្មេងនេះ កើតឡើងនៅវេលម៉ោងជាង១រសៀលថ្ងៃទី១៤ ខែមីនា ឆ្នាំ២០២១នៅក្នុងភូមិអំពិលផ្អែមឃុំរលាំងចក ស្រុកសំរោងទងខេត្តកំពង់ស្ពឺ ។
ប្រភពនៅកន្លែងកើតហេតុបានឲ្យដឹងថា ក្មេងប្រុសរងគ្រោះឈ្មោះភួង សុខណាន់អាយុ១ឆ្នាំកន្លះ រស់នៅក្នុងភូមិ ឃុំខាងលើត្រូវជាកូនរបស់ឈ្មោះ ឃុន ស្រីនាង អាយុ២៥ឆ្នាំ រស់នៅភូមិឃុំខាងលើ ។ រីឯជនដៃដល់ឈ្មោះអៀង រ៉ាដូ ភេទប្រុស អាយុ៤៦ឆ្នាំ មានទីលំនៅក្នុងភូមិ ឃុំជាមួយគ្នា ។
តាមប្រភពពីប្រជាពលរដ្ឋដែលនៅកន្លែងកើតហេតុ បានប្រាប់ឲ្យដឹងថា ម្ដាយឈ្មោះ ឃុន ស្រីនាង២៥ឆ្នាំ មុខរបរជាសន្តិសុខរោងចក្រជាស្ត្រីមេម៉ាយ និងជនរងគ្រោះមានឈ្មោះ ភួង សុណាន់ ភេទប្រុសអាយុជាង១ឆ្នាំ ដែលកំពង់រត់លេងមុខផ្ទះជនល្មើស ស្រាប់តែជនល្មើសដែលជាឃាតករបានយកកាំផ្គាក់ដងវែង កាប់ទៅលើជនរងគ្រោះចំកខាងឆ្វេងដល់ឆ្អឹងក និងមួយកាំបិតទៀតចំថ្ងាសមុតដល់សៀតស្ការទាំងទាំងសងខាង និងប្រមូលសំបើងគលើគល់យកជនរងគ្រោះដាក់លើគល់អុសបំរ៉ុងដុតកម្ទេចសព ដែលបានស្លាប់បាត់បង់ជីវិត តែត្រូវបានអ្នកជិតខាងឃើញស្រែកផ្អើល រួចរត់ចូលក្នុងផ្ទះបិតទ្វាចាក់សោរជិតរួចអារកខ្លួនឯង និងប៉ុនប៉ងដុតផ្ទះចោលទៀតផង។
ក្រោយពីទទួលបានរបាយការណ៍ពីមូលដ្ឋាន ក្រោមការដឹកនាំផ្ទាល់ ឯកឧត្តម សរ សុពុត្រា អភិបាលរង និងលោកស្នងការនគរបាលខេត្តកំពង់ស្ពឺ បានដឹកនាំកម្លាំងចម្រុះចុះប្រតិបត្តិការដោយប្រើប្រាស់រថយន្តពន្លត់អគ្គិភ័យ និងប្រើប្រាស់គ្រាប់បែកផ្សែង រហូតឈានដល់ការឃាត់ខ្លួនជនល្មើសបានសម្រេច។
សមត្ថកិច្ចបានឲ្យដឹងថា មុនពេលកើតហេតុ ជនរងគ្រោះត្រូវបានឈ្មោះ តុញ ភេទស្រី អាយុ ៧ឆ្នាំ ជាក្មួយស្ដ្រីជាម្ដាយជនរងគ្រោះ ពដើរលេងនៅម្តុំមុខផ្ទះជនល្មើស ស្របពេលនោះ ជនល្មើសបានកាន់កាំបិតផ្គាក់ចេញពីក្នុងផ្ទះ រួចរត់សំដៅមកកាប់ជនរងគ្រោះបណ្តាលឲ្យស្លាប់ហ្នឹងកន្លែងតែម្តង ។ ស្លាកស្នាមកាប់ត្រូវ ក ខាងស្តាំ លើថ្ងាស ។
ក្រោយធ្វើសកម្មភាពជនល្មើសបានរត់ចូលក្នុងផ្ទះបិតទ្វារដោយធ្វើសកម្មភាពដុតផ្ទះ ប្រជាពលរដ្ឋនិងសមត្ថកិច្ចបានចុះឡោមព័ទ្ធនិងមានកិច្ចអន្ដរាគមន៍បន្ទាន់ពីក្រុមរថយន្ដសង្គ្រោះអគ្គិភ័យ អធិការដ្ឋាននគរបាលស្រុកសំរោងទង និងរថយន្ដរបស់ស្នងការដ្ឋាននគរបាលខេត្តកំពង់ស្ពឺ ប៉ុន្តែជនល្មើសបានសម្ងំលាក់ខ្លួនមិនព្រមចេញ ដោយស្ថានភាពមិនល្អជំនាញ បានស្នេីសុំយោបល់សម្រេចប្រើប្រាស់មធ្យោបាយអាវុធដែលបំពាក់ក្បាលគ្រាប់បែកផ្សែងពុល ដើម្បីចូលចាប់ជនល្មើស។
តាមការបញ្ជាក់ពីលោកឧត្ដមសេនីយ៍ត្រី រស់ រដ្ឋា ស្នងការរងខេត្ដ ដែលបានចូលរួមក្នុងប្រតិបត្តិការខាងលើបានឱ្យដឹង ការប្រើប្រាស់គ្រប់មធ្យោបាយរហូតឈានដល់ការបំបែកករណីឃាតកម្មនិងចាប់ជនល្មើស រួចបញ្ជូនទៅស្នងការដ្ឋាននគរបាលខេត្តកំពង់ស្ពឺ ដើម្បីចំណាត់ការ តាមផ្លូវច្បាប់ ៕ រក្សាសិទ្ធិដោយ៖សាមេត
