ជុំវិញរឿងរ៉ាវបែកបាក់ជីវិតប្តីប្រពន្ធរវាងអ្នកនាង ដេត ម៉ាលីដា និងលោក ឌួង ឆាយ ឃើញថានៅមិនទាន់ស្ងប់នោះទេ ដោយកាលពីយប់ថ្ងៃទី១៩ ខែមីនា ឆ្នាំ២០២១ អ្នកនាង ដេត ម៉ាលីណា ព្រោះតែមិនអស់ចិត្ត បានចេញវីដេអូ Live ដែលអាចលើកចុងក្រោយ ដើម្បីបញ្ជាក់ការពិតឲ្យអស់មន្ទិលសង្ស័យ ពាក់ព័ន្ធអតីតស្វាមី ឌួង ឆាយ ចោទប្រកាន់ថាខ្លួនបានបង្ខិតបង្ខំឲ្យក្រៀវ។
តាមរយៈវីដេអូមានរយៈពេលជិត២ម៉ោង ក្នុងនោះ អ្នកនាង ដេត ម៉ាលីណា បានពន្យល់ហេតុផលអំពីការចោទប្រកាន់ខាងលើនេះឲ្យដឹងថា ទាក់ទងនឹងក្រៀវហ្នឹង គឺអ្នកនាងអត់ដឹងថាជាអ្វីនោះទេ តែបើតាមពេទ្យថា ក្រៀវគឺជាការចងមេជីវិតរបស់មនុស្សប្រុស គឺធម្មតាដូចមនុស្សស្រីយើងចងស្បូនកុំឲ្យមានកូនអ៊ីចឹងដែរ។ អ្នកនាងបន្តថា ដោយសារតែអ្នកនាងលេបថ្នាំពន្យារកំណើតអស់រយៈពេល ៧ ឆ្នាំ មកហើយ អ៊ីចឹង អ្នកនាងមិនអាចបន្តលេបទៀតទេ ហើយនៅពេលឮប្រពន្ធនិយាយបែបនេះ អតីតស្វាមី ឌួង ឆាយ ក៏បានពោលពាក្យហាក់អាណិតប្រាប់ប្រពន្ធថា ខ្លួននឹងចងមេជីវិត ដើម្បីកុំឲ្យប្រពន្ធពិបាកក្នុងការពន្យារកំណើតទៀត និងគិតខ្វល់ច្រើនខ្លាចខ្លួនមានស្រី ព្រោះតែមានប្រវត្តិរួមរស់ជាប្តីប្រពន្ធរយៈពេល ១៣ ឆ្នាំ មកនេះ ប្រពន្ធចាប់បានមានស្រីមិនចេះអស់។ ប៉ុន្តែ អ្វីដែលមិននឹកស្មានដល់នោះ គឺបន្ទាប់មក ឌួង ឆាយ ស្រាប់តែក្រឡះសម្តីថា ខ្លួនអត់ចងមេជីវិតដើម្បីពន្យារកំណើតនោះទេ តែបើចង់ឲ្យចងមេជីវិត គឺទាល់តែឲ្យខ្លួនមានស្រីតាមសេរី ទោះដឹងក៏មិនត្រូវមាត់រករឿងឡើយ។ តាមរយៈ អ្នកនាង ដេត ម៉ាលីណា សួរទៅកាន់បងប្អូនថាតើមានមនុស្សស្រីណាធ្វើបានទេ ទទួលយកបានទេ?។
ដោយឡែក ទាក់ទងនឹងរឿងអារដៃវិញ អ្នកនាង ដេត ម៉ាលីណា ក៏បានទម្លាយចេញឲ្យអស់ទៀតថា វាជាការពិតណាស់ ក្នុងអំឡុងរួមរស់ជាមួយ ឌួង ឆាយ រយៈពេល ១៣ ឆ្នាំ គឺខ្លួនបានបានអារដៃចំនួន២លើក។ ក្នុងនោះ អារដៃឆ្វេងលើកទី១ (ប៉ុនប៉ងសម្លាប់ខ្លួន ដេរអស់ចំនួន១១ថ្នេរ) ក្នុងវ័យ ១៧-១៨ ឆ្នាំ គឺដោយសារតែពេលនោះ ឌួង ឆាយ បានចាប់បង្ខំទាំងកម្រោល… ទាំងដែលរូបនាងមិនស្រឡាញ់សូម្បីបន្តិច (O % ដែលចង់យកធ្វើជាប្តី) និងអារដៃស្តាំលើកទី២ ពេលមានកូន១លើកដំបូង គឺដោយសារឈឺចិត្តប្តីល្មោភស្រី ឌួង ឆាយ មានស្រី ឬហៅថាមានប្រពន្ធចុងតែម្តង។ និងនៅមានរឿងរ៉ាវឈឺចាប់ជាច្រើនទៀត ដែលអ្នកនាង ដេត ម៉ាលីណា បានលើកយកនិយាយស្ទើរគ្មានសល់៕ រក្សាសិទ្ធិដោយ៖ លឹម ហុង
