ប្រទេសអាហ្វ្រិចខាងត្បូង បានធ្វើការព្រមានពលរដ្ឋទាំងអស់ជៀសវាងប្រើប្រាសផលិតផលសាច់កែច្នៃ ដែលអាចញាំបានភ្លាមៗ ក្រោយពេលមានការផ្ទុះការឆ្លងបាក់តេរីដ៏សាហាវដែលសម្លាប់មនុស្សជិត ២០០នាក់។
រដ្ឋមន្ត្រីសុខាភិបាល Aaron Motsoaledi បាននិយាយកាលពីថ្ងៃអាទិត្យកន្លងទៅថា “ចាប់តាំងពីថ្ងៃទី ២ ខែមេសា ឆ្នាំ ២០១៨មក ការពិសោធន៏បានរកឃើញករណីឆ្លងចំនួន ៩៤៨ករណី។”
លោកបញ្ជាក់ទៀតថា ក្នុងចំណោម ៩៤៨នាក់ មានអ្នកជំងឺ ៦៥៩នាក់កំពុងត្រូវតាមដាន ហើយ ១៨០នាក់បានស្លាប់។
មន្ត្រីអាហ្រិចខាងត្បូង បានបញ្ជាក់ថាផលិតផលសាច់កែច្នៃដែលធ្វើឲ្យមានការផ្ទុះការឆ្លងបាក់តេរី
គឺផលិតផលសាច់ក្រក របស់សហគ្រាសចំណីអាហារ ក្នុងទីក្រុង Polokwane។
ចំនែកសហគ្រាសក៏បានបញ្ជាក់ថា ខ្លួនកំពុងធ្វើកិច្ចការជាមួយនឹងអាជ្ញធរពាក់ព័ន្ធដើម្បីឲ្យមានការយកសាច់ក្រកខ្លួន ត្រឡប់ចូលសហគ្រាសវិញ៕ សុភ័ក្ត្រ