ភ្នំពេញ ៖ គួររម្លឹកឡើងវិញបន្តិចថា កាលពីវេលាម៉ោងប្រមាណជាង ៩ យប់ ថ្ងៃទី០៦ ខែមេសា ឆ្នាំ២០២១ មានករណីផ្ទុះអាវុធចំនួន៣គ្រាប់ នៅចំណុចធនាគារ ABA ជាប់នឹងស្ពានអាកាសផ្សារដីហុយ ស្ថិតក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ បានបណ្តាលឲ្យបុរសម្នាក់ដែលត្រូវបានដឹងថាជាអ្នករើសអេតចាយ ស្នាក់នៅខាងក្រោមស្ពាន ស្លាប់ភ្លាមៗនៅនឹងកន្លែង។
រឿងហេតុ គឺផ្តើមចេញពីជនរងគ្រោះ បានដេញវាយគ្នារត់ចូលកន្លែងសន្តិសុខ កំពុងយាមកាមនៅមុខធនាគារ ហើយនៅពេលនោះ សន្តិសុខដែលមានកាំភ្លើង ក៏បានដេញពួកគេឲ្យចាកចេញពីកន្លែងពួកគាត់គ្រប់គ្រង រហូតធ្វើឲ្យជនរងគ្រោះផ្ទុះកំហឹង ស្ទុះវាយប្រតប់មកលើរូបគាត់មួយប្រាវ ហើយក៏រត់ទៅកន្លែងខ្លួនស្នាក់នៅក្រោមស្ពានវិញ។ តែទោះយ៉ាងណា មួយសន្ទុះក្រោយមក ជនរងគ្រោះក៏បានទាញកាំបិតចុងស្រួច រត់សំដៅមកចាក់សន្តិសុខទាំងកម្រោលតែម្តង។ ប៉ុន្តែ ដោយសារតែមិនអាចរត់គេចពីការដេញចាក់ពីសំណាក់ជនរងគ្រោះ នៅទីបំផុត សន្តិសុខក៏បានសម្រេចចិត្តបាញ់ចំនួន៣គ្រាប់ និងគ្រាប់ចុងក្រោយ ត្រូវចំកន្លែងសំខាន់បណ្តាលឲ្យដេកដួលស្លាប់ភ្លាមៗតែម្តង។
រឿងហេតុ គឺផ្តើមចេញពីជនរងគ្រោះ បានដេញវាយគ្នារត់ចូលកន្លែងសន្តិសុខ កំពុងយាមកាមនៅមុខធនាគារ ហើយនៅពេលនោះ សន្តិសុខដែលមានកាំភ្លើង ក៏បានដេញពួកគេឲ្យចាកចេញពីកន្លែងពួកគាត់គ្រប់គ្រង រហូតធ្វើឲ្យជនរងគ្រោះផ្ទុះកំហឹង ស្ទុះវាយប្រតប់មកលើរូបគាត់មួយប្រាវ ហើយក៏រត់ទៅកន្លែងខ្លួនស្នាក់នៅក្រោមស្ពានវិញ។ តែទោះយ៉ាងណា មួយសន្ទុះក្រោយមក ជនរងគ្រោះក៏បានទាញកាំបិតចុងស្រួច រត់សំដៅមកចាក់សន្តិសុខទាំងកម្រោលតែម្តង។ ប៉ុន្តែ ដោយសារតែមិនអាចរត់គេចពីការដេញចាក់ពីសំណាក់ជនរងគ្រោះ នៅទីបំផុត សន្តិសុខក៏បានសម្រេចចិត្តបាញ់ចំនួន៣គ្រាប់ និងគ្រាប់ចុងក្រោយ ត្រូវចំកន្លែងសំខាន់បណ្តាលឲ្យដេកដួលស្លាប់ភ្លាមៗតែម្តង។
ក្រោយបង្កហេតុ សន្តិសុខរូបនោះ គាត់ពុំបានរត់គេចខ្លួននោះទេ និងប្រគល់ខ្លួនឲ្យសមត្ថកិច្ចតាមសម្រួល។ ចំណែកសពជនរងគ្រោះ ក្រោយពេលពិនិត្យកោសល្យវិច័យរួច ត្រូវបានដាក់លើរថយន្តសាមុយ យកទៅតម្កល់ទុកនៅវត្តទឹកថ្លា ដើម្បីរង់ចាំគ្រួសារ សាច់ញាតិ មកទទួលធ្វើបុណ្យតាមប្រពៃណី។
តែយ៉ាងណា ជុំវិញរឿងនេះផងដែរ យើងសង្កេតឃើញថា មហាជនជាច្រើនបានបញ្ចេញមតិលើកឡើងផ្សេងៗគ្នា ដោយក្នុងនោះភាគច្រើនបង្ហាញការគាំទ្រ និងកុំឲ្យសមត្ថកិច្ចដាក់ទោសទណ្ឌមកលើរូបគាត់អី ព្រោះគាត់ធ្វើបែបនេះ គឺដើម្បីប្រើសិទ្ធិការពារខ្លួនប៉ុណ្ណោះ។
ទន្ទឹមនេះផងដែរ បើតាមរយៈគណនីហ្វេសប៊ុកឈ្មោះ កុលាប ក្រហម បានទម្លាយប្រវត្តិរបស់គាត់ដែលគ្រប់គ្នានឹកស្មានមិនដល់យ៉ាងដូច្នេះថា៖ «គាត់ឈ្មោះ ហឿន ពិរៈ អាយុប្រហែលជាងសាមសិប គាត់នៅលីវ ។ មិត្តភក្តិនិយាយថា គាត់ជាមនុស្សស្លូតបូត សុភាពរាបសារ មិនសូវនិយាយស្តី ស្រគត់ស្រគំគាត់ គាត់គឺជាកូនកំព្រាឱពុក រស់នៅជាមួយម្តាយជាស្ត្រីមេម៉ាយ និងមានបងប្រុសជាមនុស្សវិកលចរិក ហើយគាត់ជាបង្គោលគ្រួសារ។ គាត់គឺជាសិស្សពូកែផ្នែកភាសាបារាំង និងបញ្ចប់ថ្នាក់អនុបណ្ឌិត បរិញ្ញាបត្រជាន់ខ្ពស់ នៃសាកលវិទ្យាល័យភូមិន្ទភ្នំពេញ។
គាត់បានក្លាយជាអ្នកបកប្រែឲ្យស្ថានទូតបារាំងដ៏ឆ្នើម ពិសេសពាក់ព័ន្ធការងារទូត ការងារស៊ើបអង្កេត ទាក់ទងជនជាតិ និងភាសាបារាំង។ ហើយក្រោយមកបានក្លាយទៅជាអ្នកបកប្រែឲ្យអគ្គស្នងការស្នងការនគរបាល ដោយមើលឃើញពីសមត្ថភាពពិតៗរបស់គាត់ ថ្នាក់លើក៏បានបញ្ជូនគាត់ទៅហ្វឹកហ្វឺនក្លាយជានគរបាលដែលមានក្របខ័ណ្ឌពេញសិទ្ធិ។
ដោយសារបញ្ហាកូវីដ ទើបធ្វើឲ្យគាត់មិនសូវសំបូរការងារផ្នែកបកប្រែ។ កត្តាជីវភាពបានជំរុញអោយគាត់ បានបាត់បង់ការងារជាអ្នកបកប្រែភាសាបារាំង ហើយងាកមកធ្វើសន្តិសុខការពារឲ្យធនាគា ABA រហូតកើតរឿងអាក្រក់មួយនេះចំពោះរូបគាត់កាលពីយប់មិញកន្លងទៅនេះ។ (នេះបើតាមការរៀបរាប់របស់មិត្តដែលជាហ្គាយបកប្រែដូចគ្នា ខុសត្រូវ លើសលស់ សូមមេត្តាអភ័យទោស) សង្ឃឹមថា គាត់អាចរួចពីការចោទប្រកាន់របស់ពីព្រះរាជអាជ្ញារផងចុះ មនុស្សទេវតាតាមថែររក្សា»៕ រក្សាសិទ្ធិដោយ៖ លឹម ហុង
