ប្រធានអង្គការសុខភាពពិភពលោក (WHO) រំពឹងថា គ្មានហេតុអ្វីដែលត្រូវផ្លាស់ប្តូរការវាយតម្លៃថា អត្ថប្រយោជន៍នៃវ៉ាក់សាំង AstraZeneca ប្រឆាំងកូវីដ១៩មានច្រើនជាងហានិភ័យទេ។ នេះបើយោងតាមប្រធាននិយ័តករក្រុមហ៊ុន។
លោក Rogerio Gaspar ប្រធានបទប្បញ្ញត្តិបានថ្លែងថា អង្គការសុខភាពពិភពលោកកំពុងសិក្សាយ៉ាងដិតដល់នូវទិន្នន័យចុងក្រោយបំផុតរួមជាមួយនិយតករអ៊ឺរ៉ុប និងនិយតករផ្សេងៗបន្ថែមទៀត ដែលក្នុងនោះអង្គការសុខភាពពិភពលោកបានផ្អែកទៅលើរបាយការណ៍មួយស្តីពី បញ្ហាកកឈាមក្នុងចំណោមមនុស្សដែលទទួលបានការចាក់វ៉ាក់សាំង។
មន្ត្រីជាន់ខ្ពស់មួយរូបនៃនិយតករឱសថអឺរ៉ុប បានបញ្ជាក់ថា ករណីនេះមានការផ្សារភ្ជាប់គ្នាយ៉ាងសំខាន់រវាងវ៉ាក់សាំងការពារជំងឺកូវីដ១៩ អាស្ត្រាសេនីកា និងបញ្ហានៃការកកឈាមដ៏កម្រមួយនៅក្នុងខួរក្បាល
ខណៈមូលហេតុនៃការកកឈាមដែលបណ្តាលមកពីវ៉ាក់សាំងអាស្ត្រាសេនីកានេះអ្នកជំនាញនៅមិនទាន់ដឹងច្បាស់នៅឡើយនោះទេ។
ទីភ្នាក់ងារវេជ្ជសាស្ត្រអឺរ៉ុប (EMA) បានថ្លែងក្នុងសេចក្តីថ្លែងការណ៍មួយបន្ទាប់ពីមានការអត្ថាធិប្បាយពីសំណាក់លោក Marco Cavaleri ប្រធានក្រុមវាយតម្លៃវ៉ាក់សាំងរបស់ខ្លួនថា ខ្លួននៅតែកំពុងធ្វើការពិនិត្យវ៉ាក់សាំងនេះហើយ ដោយរំពឹងថានឹងប្រកាសពីលទ្ធផលរបស់ខ្លួននៅថ្ងៃពុធឬថ្ងៃព្រហស្បតិ៍នេះ។
លោកបានប្រាប់សន្និសីទសារព័ត៌មាននៅទីក្រុងហ្សឺណែវថា “អ្វីដែលយើងអាចនិយាយបាននោះគឺជាការវាយតម្លៃដែលយើងមានស្រាប់សម្រាប់ពេលបច្ចុប្បន្ននេះ ហើយបញ្ហានេះយើងកំពុងស្ថិតក្រោមការពិចារណារបស់អ្នកជំនាញដោយការវាយតម្លៃអំពីហានិភ័យអត្ថប្រយោជន៍របស់វ៉ាក់សាំងនៅតែមានលក្ខណៈវិជ្ជមានដដែល” ។
លោក Gaspar បាននិយាយថា អង្គការសុខភាពពិភពលោកបានទំនាក់ទំនងជាមួយគណៈកម្មាធិការជំនាញថ្នាក់ជាតិ និងថ្នាក់តំបន់ជាច្រើន ដែលនឹងសម្រេចលើស្ថានភាពបទបញ្ជារបស់វ៉ាក់សាំង។ លោកបានបន្ថែមថាសម្រាប់ពេលបច្ចុប្បន្ននេះមិនមានភ័ស្តុតាងណាមួយដែលបង្ហាញពីការវាយតម្លៃហានិភ័យអត្ថប្រយោជន៍សម្រាប់វ៉ាក់សាំងចាំបាច់ណាមួយត្រូវតែផ្លាស់ប្តូរនៅឡើយនោះទេ៕
ប្រភព៖ រ៉យទ័រ
រក្សាសិទ្ធិដោយ៖CEN