ភ្នំពេញ៖ នៅកម្ពុជា មានក្រុមហ៊ុនសេវាដឹកជញ្ជូនជាច្រើន បានកំពុងប្រគួតប្រជែងគ្នា ដណ្តើមទីផ្សារ ខណៈ ដែលកម្ពុជាកំពុងរងផល ប៉ះពាល់យ៉ាងខ្លាំងពីវិបត្តិ ជំងឺកូវីដ១៩ នៃព្រឹត្តិការណ៍សហគម ២០កុម្ភៈ ដែល បាន អូសបន្លាយរហូតមកដល់ថ្ងៃទី០៨ មេសានេះហើយ នៅមិនទាន់បញ្ចប់ទៀត។ រីឯអ្នកឆ្លង និងអ្នកស្លាប់ដោយ សារជំងឺកូវីដ១៩ ក៏នៅ តែបន្តកើនឡើង។
ដោយសារតែខ្លាចការឆ្លងរាលដាលនៃជំងឺកូវីដ១៩ ប្រជាជនកម្ពុជានៅរាជធានីភ្នំពេញភាគច្រើន បានបញ្ជា ទិញទំនិញ អាហារ ភេសជ្ជៈ និងផលិតផលផ្សេងៗ តាមប្រព័ន្ធអេឡិចត្រូនិក ឬ ប្រព័ន្ធអនឡាញ ដែលមាន ក្រុមហ៊ុនជាច្រើនកំពុងប្រតិបត្តិការដឹកជញ្ជូនអតិថិជនជារៀងរាល់ថ្ងៃ។ ក្នុងនោះមានក្រុមហ៊ុន ហ្វូនផេនដា ខ្មែរញាំុ២៤ និងវីងម៉ល (WingMall) ជាដើម។
វីងម៉ល (WingMall) ដែលជាទីផ្សារអេឡិចត្រូនិចសម្រាប់សេវាដឹកជញ្ជូន និងចែកចាយអាហារ ភេសជ្ជៈ គ្រឿងទេស និងផលិតផលផ្សេងៗនៅកម្ពុជា បានផ្តល់ឱ្យបុគ្គលិកដឹកជញ្ជូន និងបុគ្គលិកក្នុងការិយាល័យទាំងអស់របស់វីងម៉ល បានទទួលវ៉ាក់សាំងកូវីដ១៩ ដើម្បីរាល់សេវាដឹកជញ្ជូន និងចែកចាយជូនអតិថិជន ប្រកប ដោយសុវត្ថិភាព ហើយសេវាជញ្ជូននឹងនៅតែដំណើរការជាធម្មតា ចាប់ពីម៉ោង៦ព្រឹករហូតដល់ម៉ោង១០យប់។
លោកស្រី សួស ពៅមាលា ប្រធានជាន់ខ្ពស់ ប្រតិបត្តិអាជីវកម្មវីងម៉ល បានមានប្រសាសន៍ថា៖ «សុវត្ថិភាពរបស់បុគ្គលិកនិងអតិថិជនទាំងអស់របស់វីងម៉ល ជាការងារអាទិភាពបំផុតដែលយើងត្រូវធ្វើ។ ហេតុដូចច្នេះហើយ យើងបានលើកទឹកចិត្តបុគ្គលិកវីងម៉លទាំងអស់ឱ្យទទួលវ៉ាក់សាំងបង្ការកូវីដ១៩ ឱ្យបានគ្រប់គ្នា។»
ទោះបីជាបងប្អូនអនុវត្តការរក្សាសុវត្ថិភាពមិនចេញក្រៅផ្ទះ និងបម្រាមគោចរនៃសេចក្ដីសម្រេចរបស់អាជ្ញាធរចាប់ពីម៉ោង៨យប់ក៏ដោយ ក៏អតិថិជនទាំងអស់នៅតែអាចបញ្ជាទិញអាហារ ភេសជ្ជៈ គ្រឿងទេស ផលិតផលប្រើប្រាស់ប្រចាំថ្ងៃ និងផលិតផលជាច្រើនផ្សេងទៀតតាមរយៈវីងម៉ល បានយ៉ាងងាយស្រួល និងមានសុវត្ថិភាពរហូតដល់ម៉ោង១០យប់ ព្រមទាំងទទួលបានសេវាដឹកជញ្ជូនដោយឥតគិតថ្លៃរហូតដល់១០គីឡូម៉ែត ក្នុងរាជធានីភ្នំពេញ ថែមទាំងមានការបញ្ចុះតម្លៃជាច្រើនផ្សេងទៀត។
លោកស្រី ពៅមាលា បានបន្ថែមទៀតថា ផលិតផលរបស់វីងម៉ល គឺសុទ្ធសឹងតែមានស្តង់ដា ទំនិញមានគុណភាពខ្ពស់ សុវត្ថិភាព អនាម័យល្អ តម្លៃសមរម្យ និងមានសេវាដឹកជញ្ជូនល្អឥតខ្ចោះ។ ការដឹកជញ្ជូនរបស់បុគ្គលិកវីងម៉លទាំងអស់ គឺអាចធានាសុវត្ថិភាព១០០%ជូនដល់អតិថិជនគ្រប់រូប ពីព្រោះអ្នកដឹកទាំងអស់ មានសម្ភារការពារខ្លួន ដូចជាម៉ាស ស្រោមដៃ អាកុលត្រូវបាញ់ជាប្រចាំមុនប្រគល់ជូនអាហារភ្ញៀវ រក្សារគម្លាតសង្គម ដែលគោរពតាមការណែនាំរបស់ក្រសួងសុខាភិបាលស្តីពីការទប់ស្កាត់ការរីករាលដាលជំងឺកូវីដ១៩។
ដើម្បីប្រើប្រាស់ វីងម៉ល អតិថិជនអាចបង្កើតគណនីវីងបានដោយខ្លួនឯងដោយគ្រាន់តែវាយពាក្យ Wing Money ក្នុង App Store ឬ Play Store និងបំពេញព័ត៌មានតាមការណែនាំជាការស្រេច៕រក្សាសិទ្ធិដោយ៖CEN
