ភ្នំពេញ ៖ កម្លាំងស្នងការដ្ឋាននគរបាលរាជធានីភ្នំពេញ ដែលបានចុះអនុវត្តបម្រាមគោចររបស់រដ្ឋបាលរាជធានីភ្នំពេញ ក្នុងរាត្រីថ្ងៃទី០៨ ឈានចូល ថ្ងៃទី០៩ ខែមេសា ឆ្នាំ២០២១ នេះ បានឲ្យដឹងថា កម្លាំងសមត្ថកិច្ចបានអនុវត្តបម្រាមគោចរ ឃាត់រថយន្តបានចំនួន ៣គ្រឿង និងម៉ូតូចំនួន ៦គ្រឿង សរុប ៩គ្រឿង។
គិតចាប់ពីថ្ងៃទី០១ រហូតដល់ថ្ងៃទី០៨ ខែមេសា ឆ្នាំ២០២១ សមត្ថកិច្ចអនុវត្តដូចជា ÷
១- យប់ថ្ងៃទី០២ ខែមេសា ឃាត់ម៉ូតូ៦៥គ្រឿង និងរថយន្ត៨គ្រឿង។
២- យប់ថ្ងៃទី០៣ ខែមេសា ឃាត់ម៉ូតូ៦៩គ្រឿង និងរថយន្ត១៣គ្រឿង។
៣- យប់ថ្ងៃទី០៤ ខែមេសា ឃាត់ម៉ូតូ០៤គ្រឿង និងរថយន្ត៦គ្រឿង។
៤- យប់ថ្ងៃទី០៥ ខែមេសា ឃាត់ម៉ូតូ០៨គ្រឿង និងរថយន្ត០១គ្រឿង។
៥- យប់ថ្ងៃទី០៦ ខែមេសា ឃាត់រថយន្ត២គ្រឿង។
៦- យប់ថ្ងៃទី០៧ ខែមេសា ឃាត់រថយន្ត២គ្រឿង។
៧- យប់ថ្ងៃទី០៨ – ០៩ ខែមេសា ឃាត់រថយន្ត៣គ្រឿង និងម៉ូតូ៦គ្រឿង។
គិតរៈពេល ៨ថ្ងៃ នៃបម្រាមគោចររបស់រដ្ឋបាលរាជធានីភ្នំពេញ សមត្ថកិច្ចអនុវត្តឃាត់រថយន្តបានយានយន្ត សរុប ១៧៧គ្រឿ (ម៉ូតូ-រថយន្ដ)។
កម្លាំងស្នងការនគរបាលរាជធានីភ្នំពេញ បានបញ្ជាក់ថា នេះជាការអនុវត្តច្បាប់អនុវត្តវិធានការបម្រាមគោចររបស់រដ្ឋបាលរាជធានីភ្នំពេញ ដើម្បីទប់ស្កាត់ការរីករាលដាលជំងឺកូវីដ-១៩ ក្នុងសហគមន៍កាន់តែធ្ងន់ធ្ងរ គឺអនុវត្តចាប់ពីម៉ោង៨យប់ ដល់ម៉ោង ៥ភ្លឺ ក្នុងរយៈពេល១៤ថ្ងៃ លើកលែងក្នុងករណីចាំបាច់ និងបុគ្គលអាទិភាព មានករណីលើកលែងខ្លះៗ៕ រក្សាសិទ្ធិ : ពិសិដ្ឋ CEN
