ភ្នំពេញ÷បុរសម្នាក់រួមដំណើរជាមួយនិងប្រពន្ធបានបើករថយន្តម៉ាកព្រូសមួយគ្រឿងក្នុងល្បឿនលឿនដល់ផ្លូវបំបែកជា៤មិនប្រយ័ត្នបានជ្រុលទៅបុករថយន្តកាមរីកំពុងតែបើកឆ្លងផ្លូវចំពាក់កណ្តាលទ្វារខាងឆ្វេងពេញទំហឹងបណ្តាលឲ្យរងការខូចខាតយ៉ាងដំណំ។ សំណាងល្អមិនគ្រោះថ្នាក់ទៅដល់មនុស្ស។
ហេតុការណ៍គ្រោះថ្នាក់ចរាចរណ៍នេះដែរបានកើតឡើងនៅវេលាម៉ោង ៨ និង៣០នាទីយប់ថ្ងៃចន្ទទី១២ ខែមេសា ឆ្នាំ ២០២១ ស្ថិតនៅតាមបណ្តោយផ្លូវ ១០៨០ កែងនឹងផ្លូវ ១០០៧ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
ប្រភពព័ត៌មានពីប្រជាពលរដ្ឋនៅនិងកន្លែងកើតហេតុបានឲ្យដឹងថានៅមុនពេលកើតហេតុគេបានឃើញរថយន្តកាមរីមួយគ្រឿងពណ៌ស ពាក់ផ្លាកលេខ ឃ 7082 ភព២ បើកបដោយបុរសម្នាក់ធ្វើដំណើរតាមបណ្តោយផ្លូវ ១០០៧ក្នុងទិសដៅពីត្បូងមកជើងក្នុងល្បឿនលឿនខណៈមកដល់ចំណុចកើតហេតុខាងលើផ្លូវបំបែកជា៤ ស្រាប់តែគេឃើញមានរថយន្តម៉ាកព្រូសមួយគ្រឿងទៀតពណ៌ឈាមជ្រូកពាក់ផ្លាកលេខ ភ្នំពេញ2-AB 3233 បើកបរដោយបុរសម្នាក់រួមដំណើរជាមួយស្ត្រីម្នាក់ទៀតជាប្រពន្ធធ្វើដំណើរតាមបណ្តោយផ្លូវ១០៨០ ក្នុងទិសដៅពីលិចមកកើតក្នុងល្បឿនលឿនដូចគ្នាមិនប្រយ័ត្នបានជ្រុលចង្កូតទៅបុកចំពាក់កណ្តាលរថយន្តកាមរីពេញទំហឹងបណ្តាលឲ្យរថយន្តកាមរីរងការខូចខាតផ្នែកចំហៀងទ្វារខាងឆ្វេងយ៉ាងដំណំ។ សំណាងល្អក្នុងហេតុការណ៍គ្រោះថ្នាក់ចរាចរណ៍មួយនេះមិនមានគ្រោះថ្នាក់ដល់ភាគីម្ចាស់រថយន្តទាំង២នោះទេរងការខូចខាតតែរថយន្តទាំងសង្ខាង។
ក្រោយពេលកើតហេតុសមត្ថកិច្ចមូលដ្ឋានបានចុះមកដល់រួចឱ្យភាគីទាំងសង្ខាងសម្របសម្រួលគ្នាដោយភាគីរថយន្តបង្កមិនចង់វែងឆ្ងាយក៏ព្រមសងជាសំណងទៅលើរថយន្តកាមរីក្នុងការជួសជុលបញ្ចប់រឿងនៅកន្លែងកើតហេតុ៕
រក្សាសិទ្ធិដោយ៖ សាមេត
