បេសកជនពិសេស២រូបរបស់កូរ៉េខាងត្បូង គឺនាយកការិយាល័យសន្តិសុខជាតិ Chung Eui-yong និងនាយកស្ថាប័នជាតិ Suh Hoon និងស្នាក់នៅអាមេរិក ៣ថ្ងៃ។ អ្នកទាំង២នឹងមានជំនួនជាមួយទីប្រឹក្សាសន្តិសុខអាមេរិក ជាមួយប្រមុខការទូត Rex Tillerson។ លោក Chung ក៏បានឲ្យដឹងថា លោកនឹងបញ្ជូនសារលិខិតឯកជនមួយរបស់កូរ៉េខាងជើងផ្ញើឲ្យអាមេរិក។
ពីឆ្វេងមកស្តាំ ៖ នាយកស្ថាប័នចារកម្មជាតិ Suh Hoon និងនាយកការិយាល័យសន្តិសុខជាតិ Chung Eui-yong មានដំណើរទៅកាន់អាមេរិក ចិន ជប៉ុន និងរុស្ស៊ី ដើម្បីផ្តល់ព័ត៌មានអំពីលទ្ធផលនៃកិច្ចចរចាជាមួយកូរ៉េខាងជើង។
សេចក្តីរាយការណ៍ជូនប្រធានាធិបតី Moon Jae-in ក្រោយពីវិលត្រឡប់មកពីកូរ៉េខាងជើងវិញ លោក Chung Eui-yong ឲ្យដឹងថា មេដឹកនាំកូរ៉េខាងជើង គីម ជុងអ៊ុន បានសម្តែងបំណងប្រាថ្នាបោះបង់ចោលកម្មវិធីនុយក្លេអ៊ែរ ប៉ុន្តែត្រូវមានថ្នូរតបស្នងនោះគឺការធនាសន្តិសុខ។ លោក គីម ជុងអ៊ុន ក៏បានឲ្យដឹងបន្ថែមទៀតថា បានត្រៀមខ្លួនជាស្រេចសម្រាប់ការចរចាតទល់ជាមួយអាមេរិក និងបញ្ចប់រាល់សកម្មភាពញុះញង់ ដែលរួមមានការសាកល្បងនុយក្លេអ៊ែរ និងកាំជ្រួចក្នុងអំឡុងពេលដែលកិច្ចចរចាប្រព្រឹត្តទៅ។ ចំពោះទំនាក់ទំនងអន្តរកូរ៉េវិញ នោះកូរ៉េខាងជើងបានយល់ព្រមរៀបចំជំនួនកំពូលមួយនៅខែក្រោយ។
ទាំងអាមេរិក និងកូរ៉េខាងជើង សុទ្ធសឹងតែថ្លែងពីការត្រៀមចរចា ប៉ុន្តែអាមេរិកនៅពុំទាន់ប្រាកដចំពោះបំណងពិតរបស់កូរ៉េខាងជើង។ ក្រោយដំណើរទស្សនកិច្ចរបស់ប្រតិភូជាន់ខ្ពស់កូរ៉េខាងត្បូងទៅកាន់កូរ៉េខាងជើង ដែលត្រូវបានលោកគីម ជុងអ៊ុន ទទួលស្វាគមន៍យ៉ាងកក់ក្តៅនោះ ប្រធានាធិបតីអាមេរិក បានសន្និដ្ឋានថា កូរ៉េខាងជើងហាក់មាន “បំណងពិត” ក្នុងរឿងចរចាជាមួយអាមេរិក។
ក្រោយពីបំពេញការងារនៅអាមេរិក បេសកជនពិសេសទាំង២រូបរបស់កូរ៉េខាងត្បូង និងបន្តដំណើរទៅកាន់ចិន ជប៉ុន និងរុស្ស៊ី ដើម្បីផ្តល់ព័ត៌មានពីលទ្ធផលនៃដំណើរទស្សនកិច្ចទៅកាន់កូរ៉េខាងជើង របស់ប្រតិភូជាន់ខ្ពស់កូរ៉េខាងត្បូង៕ សូយន