ភ្នំពេញ ៖ កម្លាំងអន្តរាគមន៍ពិសេសនៃអគ្គស្នងការនគរបាលជាតិ កម្លាំងស្នងការដ្ឋាននគរបាលរាជធានីភ្នំពេញ សហការជាមួយនិងគណៈបញ្ជាការឯកភាពខណ្ឌមានជ័យ បានប្រើវិធានការយ៉ាងក្តៅគគុក ចុះល្បាតតាមមូលដ្ឋានខណ្ឌមានជ័យ កាលពីព្រឹកថ្ងៃទី២១ ខែមេសា ឆ្នាំ២០២១ នេះ ដោយកន្លងមកសមត្ថកិច្ចបានចុះផ្សព្វផ្សាយ និងជូនដំណឹងឲ្យបងប្អូនប្រជាពលរដ្ឋ ចូលរួមតាមការណែនាំរបស់ក្រសួង សុខាភិបាល ៣ការពារនិង៣កុំ ដើម្បីទប់ស្កាត់ជំងឺឆ្លងដ៏កាចសាហាវ កូវីដ ១៩ ប្រជាពលរដ្ឋមួយចំនួន បានអនុវត្តន៏និងស្តាប់ការណែនាំរបស់មន្ត្រីសមត្ថកិច្ចមូលដ្ឋាន។
ដោយឡែកមានបងប្អូនមួយចំនួន នៅតែនិយាយមិនស្តាប់ប្រាប់មិនតាម ទើបអាជ្ញាធរធរមានវិធានការក្តៅ គឺចាប់អ្នកធ្វើដំណើរតាមតំបន់ក្រហម ដែលហាមឃាត់នឹងលើកយកម៉ូតូដាក់ឡាន របស់សមត្ថកិច្ចយកទៅផាកពិន័យ ចំណែកម្ចាស់បញ្ជូនឲ្យទៅធ្វើចត្តាឡីស័ក ចំនួន១៤ថ្ងៃដោយខ្លួនឯង រីឯអ្នកលក់ដូរតាមផ្សារ និងតាមផ្ទះមួយចំនួន អាជ្ញាធរឲ្យបញ្ឈប់ការលក់ដូរជាបណ្តោះអាសន្ន បើនៅតែមិនស្តាប់ និងមានវិធានការកាន់តែក្តៅជាងនេះទៅទៀត៕រក្សាសិទ្ធិដោយ៖សួង សាម
