ភ្នំពេញ ៖ កម្លាំងសមត្ថកិច្ចជំនាញខណ្ឌដូនពេញ ឃាត់ខ្លួនជនសង្ស័យ២នាក់ ក្រោយលួចកាច់កញ្ចក់រថយន្តបាន១ថ្ងៃ យកមកសម្ងំលាក់ខ្លួន ត្រង់ចំណុចខ្ទមមិនរៀបរយច្រាំងទន្លេ ជិតស្ថានីយ៍មូកទឹក ទល់មុខ(អតីតក្លឹបទ្រូហ្វេស)។
ហេតុការណ៍កាច់កញ្ចក់រថយន្តនេះបានកេីត វេលាម៉ោងជាង១១យប់ ថ្ងៃទី២៤ខែមេសាឆ្នាំ២០២១ ត្រង់ចំណុចផ្ទះលេខ6.E0 ផ្លូវលេខ118 សង្កាត់ផ្សារថ្មីទី១ ខណ្ឌដូនពេញ រាជធានីភ្នំពេញ។
ដោយទទួលបានពាក្យបណ្ដឹងពីជនរងគ្រោះ និងរូបថតតាមកាមេរាសុវត្ថិភាព កម្លាំងជំនាញព្រហ្មទណ្ឌខណ្ឌ បេីកការស្រាវជ្រាវកំណត់មុខសញ្ញាបានចុះមកធ្វេីការឃាត់ខ្លួន ក្រុមជនសង្ស័យបានចំនួន២នាក់៖
ទី១ឈ្មោះ គឹម វិសាល មុខរបរមិនពិតប្រាកដ ទី២ ឈ្មោះ សន វុត្ថា មុខរបរមិនពិតប្រាកដ។
ជនសង្ស័យទាំងពីរត្រូវបានឃាត់ខ្លួន និងដកហូតបានវត្ថុតាងកញ្ចក់រថយន្ត១ ត្រង់ចំណុចច្រាំងទន្លេ នៅវេលាម៉ោង៧និង២០នាទីយប់ ថ្ងៃទី២៥ខែមេសាឆ្នាំ២០២១ ។
បច្ចុប្បន្នជនសង្ស័យទាំង២នាក់ ត្រូវបានសមត្ថកិច្ចជំនាញព្រហ្មទណ្ឌខណ្ឌ ប្រគល់ជូនប៉ុស្តិ៍ផ្សារថ្មីទី១ ដេីម្បីកសាងសំណុំរឿងបញ្ជូនទៅតុលាការ អនុវត្តន៍តាមនីតិវិធីច្បាប់៕ រក្សាសិទ្ធិដោយ៖ សារឿន
