ភ្នំពេញ÷ជនសង្ស័យជាមុខសញ្ញាចាស់២នាក់ បានជិះម៉ូតូមួយគ្រឿងធ្វើសកម្មភាពទាក់ឆ្កែត្រង់ចំណុចចាក់សំរាមចាស់បានសម្រេចតែរត់មិនរួចត្រូវសមត្ថកិច្ចអន្តរាគមន៍ខណ្ឌមានជ័យឃើញទាន់ដេញក្រប៊ួចវាយខ្នោះបានម្នាក់និងម៉ូតូមួយគ្រឿង ចំណែកឯបក្ខពួកម្នាក់ទៀតបានរត់គេចខ្លួនបាត់ស្រមោលទៅ។
ហេតុការណ៍ភ្ញាក់ផ្អើលនេះដែរកើតឡើងនៅវេលាម៉ោង០០ និង ៤០ នាទីរំលងអធ្រាត្រឈានចូលថ្ងៃអង្គារទី២៧ ខែមេសាឆ្នាំ២០២១ ស្ថិតនៅតាមបណ្ដោយផ្លូវបេតុងចំណុចឃាត់បាននៅចុងស្ពានអាកាស់ស្ទឹងជ័យ ក្នុងសង្កាត់ស្ទឹងមានជ័យទី ២ ខណ្ឌមានជ័យរាជធានីភ្នំពេញ។
ប្រភពព័ត៌មានពីសមត្ថកិច្ចបានឲ្យដឹងថា នៅមុនពេលកើតហេតុខាងលើដោយពួកគាត់បានដើរល្បាតនៅតាមភូមិសាស្ត្រស្រាប់តែចៃដន្យឃើញជនសង្ស័យមានគ្នា២នាក់ជិះម៉ូតូមួយគ្រឿងម៉ាកហុងដាទ្រីមសង់សេ១២៥ ស៊េរីឆ្នាំ២០១៥ ពណ៌ខ្មៅពាក់ផ្លាកលេខភ្នំពេញ 1CU 4831 កំពុងតែធ្វើសកម្មភាពយកខ្សែរទៅទាក់កឆ្កែ រួចច្រកចូលបាវបម្រុងនិងជិះរត់គេចខ្លួនតែត្រូវបានកម្លាំងអន្តរាគមន៍ខណ្ឌមានជ័យឃើញទាន់រួចជនសង្ស័យ២នាក់ក៏បានជិះម៉ូតូព្យាយាមជិះរត់គេចខ្លួនពីម្តុំចាក់សំរាមចាស់មកដល់ក្រោមស្ពានអាកាសស្ទឹងមានជ័យត្រូវសមត្ថកិច្ចក្រប៊ួចវាយខ្នោះបានម្នាក់និងម៉ូតូទ្រីមសង់មួយគ្រឿងចំណែកឯបក្ខពួកម្នាក់ទៀតបានរត់គេចខ្លួនបាត់ស្រមោល។
ក្រោយពេលឃាត់បានសមត្ថកិច្ចបាននាំខ្លួនជនសង្ស័យខាងលើយកទៅប៉ុស្តិ៍នគរបាលរដ្ឋបាលសង្កាត់ស្ទឹងមានជ័យ ២ដើម្បីសួរនាំនិងឃុំខ្លួនជាបណ្តោះអាសន្នដើម្បីតាមស្រាវស្រាវនិងឃាត់ខ្លួនបក្ខពួកម្នាក់ទៀតយកមកចាត់ការទៅតាមច្បាប់៕
រក្សាសិទ្ធិដោយ៖ សា មេត
