រដ្ឋ Quebec របស់ប្រទេសកាណាដា កាលពីថ្ងៃអង្គារ ទី២៧ បានរាយការណ៍ពីករណីស្លាប់អ្នកជំងឺជាលើកដំបូង ដោយសារឈាមកកដ៏កម្រមួយ ក្រោយពេលដែលជំងឺទទួលបានការចាក់វ៉ាកសា់ំងបង្ការកូវីដ១៩ អាស្ត្រាសេនីកា។
ប្រទេសកាណាដាបានរាយការណ៍ថា យ៉ាងហោចណាស់ករណីឈាមកកចំនួន៥ករណី គឺបានបង្កមកពីការចាក់វ៉ាក់សាំង។ ប៉ុន្តែមន្ត្រីសុខាភិបាលនៅតែតម្កល់អត្ថប្រយោជន៍នៃវ៉ាក់សាំងអាស្ត្រាសេនីកាថា មានសក្តានុពលខ្ពស់លើសពីការរំពឹងទុកជាងកត្តាហានិភ័យ។
លោក Francois Legault រដ្ឋមន្ត្រីនៃរដ្ឋ Quebec បានប្រាប់សន្និសីទសារព័ត៍មានថា ខ្ញុំមានការសោកស្តាយចំពោះស្ត្រីអាយុ៥៤ឆ្នាំ ដែលមានសុខភាពល្អ បានស្លាប់ដោយសារលោកស្រីចាក់វា់ក់សាំង។ វាពិបាកនឹងទទួលយកណាស់។
ប្រធានផ្នែកសុខភាពសាធាណនៃរដ្ឋ Quebec លោក Horacio Arruda បាននិយាយថា ការព្យាបាលសង្គ្រោះជីវិតគឺមិនដំណើរការ( មិនមានប្រសិទ្ធភាព)ជាពិសេសមិនស្គាល់អត្តសញ្ញាណនៃការស្លាប់របស់អ្នកជំងឺដោយសារជំងឺស្ទះសរសៃឈាមខួរក្បាលក្រោយពេលចាក់វ៉ាក់សាំង។ ប៉ុន្តែលោកបានព្រមានថា មរណភាពរបស់ស្ត្រីខាងលើមិនគួរផ្លាស់ប្តូរនូវអនុសាសន៍របស់រដ្ឋាភិបាលក្នុងការប្រើប្រាស់វ៉ាក់សាំងសម្រាប់មនុស្សដែលមានអាយុលើពី៤៥ឆ្នាំនោះទេ។
រដ្ឋមន្ត្រីក្រសួងសុខាភិបាលរដ្ឋ Quebec លោក Christian Dubé បាននិយាយថា ក្នុងរដ្ឋមានប្រជាជនចំនួនប្រមាណ៤សែននាក់ដែលបានទទួលការចាក់វ៉ាក់សាំងជាមួយថ្នាំអាស្ត្រាសេនីកា។ លោក François Legault បានថ្លែងថា វាជាការគណនាហានិភ័យមួយ ប៉ុន្តែជាក់ស្តែងនៅពេលយើងគិតពីស្ត្រីរូបនេះ គ្រួសារ និងមនុស្សជិតស្និទ្ធរបស់គាត់ នោះវាពិតជាពិបាកណាស់។
កាលពីថ្ងៃសុក្រសប្តាហ៍មុន វ៉ាក់សាំងប្រភេទអាស្ត្រាសេនីកាចំនួនជាង១ ១លានដូសត្រូវបានគ្រប់គ្រងទូទាំងប្រទេស។ នាយករដ្ឋមន្ត្រីកាណាដា លោក Justin Trudeau បានទទួលវ៉ាក់សាំងអាស្ត្រាសេនីកាកាលពីថ្ងៃសុក្រកន្លងទៅផងដែរ។
ការប្រឈមមុខជាមួយនឹងរលកទី៣នៃមេរោគ រដ្ឋជាច្រើនរបស់ប្រទេសកាណាដារួមជាមួយរដ្ឋដែលមានប្រជាជនច្រើនបំផុត នៃរដ្ឋ Ontarioនាពេលថ្មីៗនេះ បានចាប់ផ្តើមផ្តល់នូវវ៉ាក់សាំងអាស្ត្រាសេនីកាទៅកាន់មនុស្សដែលមានអាយុចាប់ពី៤០ ឡើងទៅ។ សូមជម្រាបថា រដ្ឋ ដែលករណីជម្ងឺឆ្លងច្រើន ត្រូវបានថយចុះនាពេលថ្មីៗនេះ ដោយអនុញ្ញាតអោយមានការចាក់វ៉ាក់សាំងចំពោះប្រជាជនដែលមានអាយុចាប់ពី៤៥ឡើងទៅ៕
ប្រភព៖ CNA