ភ្នំពេញ ៖ ប្រជពលរដ្ឋចំនួន ២៧០គ្រួសារ បានទទួលអំណោយសប្បរសធម៌ពី ឯកឧត្តម ហាក់ ប៊ុនធឿន និងលោកជំទាវ ស្រី តូច តាមរយៈលោកវរសេនីយ៍ឯក ហ៊ាង ផារ៉េត អធិការខណ្ឌឬស្សីកែវ ទៅចែកជូនប្រជាពលរដ្ឋ ដែលកំពង់ជួបការខ្វះខាត ក្នុងអំឡុងពេលមេរោគរាតត្បាត នៃកូវីដ១៩ ។
លោកវរសេនីយ៍ឯក ហ៊ាង ផារ៉េត អធិការខណ្ឌឬស្សីកែវ មានប្រសាសន៍ ដោយឃេីញប្រជាពលរដ្ឋក្នុងមូលដ្ឋាន កំពង់ជួបការខ្វះខាត ក្នុងអំឡុងពេលបិតខ្ទប់ ដេីម្បីជួយសម្រួលទុក្ខលំបាករបស់ប្រជាពលរដ្ឋ លោកបានខិតខំគៀគររកជំនួយសប្បរសជននានា មកជួយប្រជាពលរដ្ឋក្នុងមូលដ្ឋានជបន្តបន្ទាប់។
ជាស្ដែងនាព្រឹកថ្ងៃទី០២ខែឧសភាឆ្នាំ២០២១ ឯកឧត្ដម ហាក់ ប៊ុនធឿននិងលោកជំទាវ ស្រី តូច តាមរយៈអធិការខណ្ឌឬស្សីកែវ បាននាំយកអំណោយដ៏ថ្លៃថ្លា មកចែកជូនបងប្អូនប្រជាពលរដ្ឋ ដែលស្ថិតក្នុងតំបន់បិតខ្ទប់ចំនួន២៧០គ្រួសារ ដោយ១គ្រួសារទទួលបាន អង្ករ១០គីឡូ មី១កេះ ត្រីខ ១០កំប៉ុង សាច់ក្រក១គីឡូក្រាម ជួយសម្រួលខ្លះៗ និងចូលរួមចំណែកជាមួយរាជរដ្ឋាភិបាលកម្ពុជា ។
ក្នុងពិធីនេះដែរ ឯកឧត្ដម ហាក់ ប៊ុនធឿននិងលោកជំទាវ ស្រី តូច បានមានប្រសាសន៍ ទៅកាន់ប្រជាពលរដ្ឋថា សូមបងប្អូន ឲ្យចូលរួមអត់ធ្មត់ក្នុងកាលៈទេសៈនេះ និងអនុវត្តន៍ឲ្យបាននូវវិធានការ (៣ការពារ ៣កុំ) ដេីម្បីកាត់ផ្ដាច់ការឆ្លងរាលដាលនៃជំងឺកូវីដ១៩ ។
នាឱកាសនោះដែរ ប្រជាពលរដ្ឋ សូមថ្លែងអំណរអរគុណយ៉ាងជ្រាលជ្រៅ ចំពោះឯកឧត្ដមនិងលោកជំទាវ និងលោកអធិការខណ្ឌឬស្សីកែវ ជួបតែសំណាងល្អ សុខភាពល្អបរិបូរ៍ អាយុយឺនយូរ ដេីម្បីចូលរួមបន្តមនុស្សធម៌ចុះជួយប្រជាពលរដ្ឋ ដែលជួបការលំបាកខ្វះខាតបន្តទៀត ៕រក្សាសិទ្ធិដោយ៖ សារឿន
