កំពង់ធំ ៖ សេចក្តីប្រកាសព័ត៌មានរបស់រដ្ឋបាលខេត្តកំពង់ធំ ស្តីពី ការរកឃើញ អ្នកវិជ្ជមានជំងឺកូវីដ-១៩ ចំនួន ១៥នាក់ នៅថ្ងៃទី០២ ខែឧសភា ឆ្នាំ២០២១។
រដ្ឋបាលខេត្តកំពង់ធំ សូមជម្រាបជូនដំណឹងដល់សាធារណៈជនជ្រាបថា យោងតាមលទ្ធផលនៃការ វិភាគសំណាកដែលផ្ដល់ដោយវិទ្យាស្ថានប៉ាស្ទ័រនៅថ្ងៃទី០២ ខែឧសភា ឆ្នាំ២០២១ ខេត្តកំពង់ធំ បានរកឃើញវិជ្ជមាន ជំងឺកូវីដ១៩ ចំនួន ១៥នាក់បន្ថែមទៀត។ អ្នកជំងឺទាំង ១៥នាក់នេះសុទ្ធតែអ្នកដែលពាក់ព័ន្ធនឹងព្រឹត្តិការណ៍ក្នុង ភូមិលាបទង ឃុំកំពង់ចិនត្បូង ស្រុកស្ទោង ។
ដើម្បីទប់ស្កាត់ការរីករាលដាលនៃជំងឺកូវី១៩ ក្នុងភូមិលាបទងឲ្យមានប្រសិទ្ធភាព រដ្ឋបាលខេត្តបាន ដាក់ចេញនូវវិធានការរដ្ឋបាលជាបន្តបន្ទាប់។ ជាមួយគ្នានេះ រដ្ឋបាលខេត្ត សូមអំពាវនាវដល់បងប្អូនប្រជាពលរដ្ឋ ដែលមានការពាក់ព័ន្ធជាមួយអ្នកវិជ្ជមានខាងលើ សូមរួសរាន់ទៅផ្តល់សំណាកដើម្បីវិភាគរកមេរោគ៌កូវីដ១៩ នៅ សាលាបឋមសិក្សាឈើទាល ក្នុងភូមិឈើទាល ឃុំកំពង់ចិនត្បូង ស្រុកស្ទោង៕
រក្សាសិទ្ធិដោយ៖បញ្ញាស័ក្តិ
