វ៉ាក់សាំងចំនួន៣ប្រភេទ បានអនុម័តឱ្យប្រើប្រាស់ក្នុងប្រទេសថៃ ខណៈ៣ប្រភេទផ្សេងទៀតកំពុងពិចារណា

រដ្ឋបាលចំណីអាហារ និងឱសថរបស់ថៃកាលពីពេលថ្មីៗនេះ បានអនុម័តវ៉ាក់សាំងចំនួន៣ប្រភេទ សម្រាប់ប្រើប្រាស់ក្នុងប្រទេសថៃ ខណៈក្រុមហ៊ុនផលិតវ៉ាក់សាំងចំនួន៣ផ្សេងទៀត កំពុងស្ថិតក្នុងដំណើរការចុះបញ្ជី។ នេះបើយោងទៅតាមការថ្លែង ឱ្យដឹងពីលោកវេជ្ជបណ្ឌិត Dr Phaisan Dankhum រដ្ឋលេខាធិការទូទៅ នៃរដ្ឋបាលចំណីអាហារ និងឱសថFDA កាលពីថ្ងៃច័ន្ទកន្លងទៅ។

លោកវេជ្ជបណ្ឌិតថា វ៉ាក់សាំងដែលបានអនុម័តទាំងអស់នោះរួមមាន វ៉ាក់សាំងអាស្ត្រាសេនីកាដែលជាវ៉ាក់សាំង ក្នុងស្រុក(ថៃ) និងជាផលិតផលក្នុងស្រុករបស់ក្រុមហ៊ុន Siam Bioscience Ltd។ ក្នុងនោះ វ៉ាក់សាំងស៊ីណូវ៉ាក់ គឺនាំចូលដោយរដ្ឋាភិបាលអង្គការឱសថ (GPO)និងវ៉ាក់សាំង Johnson & Johnson របស់ក្រុមហ៊ុន Janssen-Cilag Ltd ។

លោកបន្ថែមទៀតថា នាពេលថ្មីៗនេះ រដ្ឋបាលថ្មីចំណីអាហារ និងឱសថកំពុងអនុម័តវ៉ាក់សាំងប្រភេទ Moderna ដែលជាការនាំចូលដោយក្រុមហ៊ុន Zuellig Pharma បន្ទាប់ពីមានការចុះបញ្ជីរាល់ឯកសារ សម្រាប់ប្រើប្រាស់ក្នុងប្រទេសថៃ។ ស្របគ្នានោះដែរ ក្រុមហ៊ុនវ៉ាក់សាំងចំនួន២ផ្សេងទៀត ក៏បានចុះបញ្ជីនូវឯកសារមួយចំនួនហើយផងដែរ ក្នុងនោះមានដូចជាក្រុមហ៊ុនឈ្មោះ Bio Genetech Ltd នឹងធ្វើការនាំចូលវ៉ាក់សាំងប្រភេទ Covaxin និងក្រុមហ៊ុន Kingen Biotech Ltd នឹងធ្វើការនាំចូលវ៉ាក់សាំងឈ្មោះ Sputnik V ។
លោកបណ្ឌិត Phaisan បានបន្ថែមថា ជាធម្មតាការអនុម័តវ៉ាក់សាំងត្រូវការរយៈពេល៣០ថ្ងៃរបស់រដ្ឋបាលចំណីអាហារ និងឱសថដើម្បីបញ្ចប់ដំណើរការអនុម័ត បន្ទាប់ពីឯកសារទាំងអស់ត្រូវបានចុះបញ្ជីរួចរាល់។

លោកថ្លែងថា៖ រដ្ឋបាលចំណីអាហារ និងឱសថគឺពិចារណាអោយម៉ឺងម៉ាត់អំពីគុណភាព ប្រសិទ្ធភាព និងសុវត្ថិភាពរបស់វ៉ាក់សាំងការពារកូវីដ១៩ ដើម្បីឱ្យប្រាកដថា វ៉ាក់សាំងទាំងអស់នោះអាចប្រើប្រាស់ នៅក្នុងប្រទេសថៃនាពេលឆាប់ៗ ខាងមុខតាមតែអាចធ្វើទៅបាន ខណៈធ្វើឱ្យស្របតាមការអនុម័តស្តង់ដារវ៉ាក់សាំងអន្តរជាតិ៕
ប្រភព៖ The Nation
រក្សាសិទ្ធិដោយ៖CEN