ភ្នំពេញ ៖ រឿងរ៉ាវជាងធ្វើផ្ទះលក់ឈ្មោះ ឬជាងគ្មានជំនាញបច្ចេកទេសស្តង់ដារ ដែលលទ្ធផលចុងក្រោយ ផ្ទះសង់រួចបែរជាគ្មានគុណភាព ដែលអាចមកពីដោយសារទង្វើចង់កេងចំណេញច្រើនហួសហេតុផងនោះ ដោយមិនគិតពីការខាតបង់ និងអាយុជីវិតគេ គឺតែងឮល្បីជារឿយៗ។
ជាក់ស្តែង ដូចជាករណីនេះជាគំរូ គឺយើងពិតជាមិននឹកស្មានដល់ និងក៏សូមចូលរួមសោកស្តាយជាខ្លាំង ចំពោះម្ចាស់ផ្ទះមួយ ដែលផ្ទះរបស់គាត់ប្រភេទថ្មក្រោមឈើលើ គឺត្រូវប្រេះស្រាំទាំងស្រុង ប្រៀបដូចកញ្ចក់ធ្លាក់បែកអុីចឹង។
បើតាមម្ចាស់ផ្ទះ បាននិយាយទាំងកំហឹងឈឺចាប់ថា សូមផ្តាំផ្ញើទៅជាងមួយចំនួនតូច ជាពិសេសពូកជាងប្រភេទនេះ គឺថោកមិនស្មើម្ទេស១កញ្ចប់តម្លៃ 3$ ដែលគេផ្ញើពីខ្មែរមកកូរ៉េឲ្យគាត់ផង។ ម្ចាស់ផ្ទះបន្តថា ប្រាប់ទៅពួកលោកឯងថា គេខំជឿជាក់ និងមានទំនុកចិត្ត ចង់ទារលុយប៉ុន្មានឲ្យប៉ុណ្ណឹង តាំងពីចាប់ផ្តើមចូលធ្វើ តែលទ្ធផលបែបនេះ បើជាពួកលោកឯងវិញ តើឈឺចាប់យ៉ាងណា!?។
ស្រ្តីជាម្ចាស់ផ្ទះ ក៏បានបញ្ជាក់ឲ្យដឹងថា ពេលគាត់ឲ្យមកកែធ្វើឡើងវិញ បែរជាលើកហេតុផលយកលេសនេះលេសនោះ ថាមកពីកូវីដ…៕ រក្សាសិទ្ធិដោយ៖ លឹម ហុង
