ចម្រៀងមួយបទដែលមានចំណងជើងថា «លក់គោយន្ត» ឃើញថាបាននិងកំពុងអង្រួនចិត្តយុវវ័យគ្រប់ៗគ្នា រហូតសូម្បីតែមនុស្សចាស់ផងដែរ ពេញចិត្តយ៉ាងខ្លាំង ព្រោះថាបទនេះពុំត្រឹមតែពិរោះទេ គឺថែមទាំងបង្កប់នូវអត្ថន័យដ៏កំសត់របស់នារីម្នាក់ ដែលខំលះបង់គ្រប់យ៉ាងដើម្បីមនុស្សប្រុសជាទីស្រឡាញ់ម្នាក់ តែចុងក្រោយ ត្រូវគេក្បត់ពាក្យសន្យាទៅមានអ្នកថ្មី…។
ដោយឡែក ថ្មីៗនេះ មហាជនជាអ្នកប្រើប្រាស់បណ្តាញសង្គម ពិតជាមានការភ្ញាក់ផ្អើលគ្រប់ៗគ្នាតែម្តង ខណៈបានឃើញកូនខ្មែរកាត់កូរ៉េវ័យជំទង់ដ៏ស្រស់ស្អាត និងក៏ជា Idol របស់មហាជនជាច្រើន កញ្ញា អុីអុី EE ស្រាប់តែយកបទនេះមកសម្តែងផ្ទាល់តែម្តង។
នេះបើយោងតាមទំព័រហ្វេសប៊ុកឈ្មោះ EE Blac9 បានបង្ហោះវីដេអូចម្រៀងកំពុងល្បី គឺបទ «លក់គោយន្ត» នេះ ដោយក្នុងនោះ កញ្ញា EE បានសម្តែងជាតួស្រីដ៏កំសត់ ជាមួយតួប្រុសម្នាក់ និងរួមទាំងម៉ាក់ប៉ារបស់នាងផ្ទាល់ផងដែរ។ ហើយវីដេអូនេះផងដែរ ឃើញថាបានទទួលការសរសើរជាខ្លាំងពីសំណាក់អ្នកទស្សនា ថាពិតជាសម្តែងបានល្អ ជាពិសេសបានបង្ហាញពីទិដ្ឋភាពទេសភាពស្អាតៗស័ក្តិសមជាមួយសាច់រឿងតែម្តង៕
រក្សាសិទ្ធិដោយ៖ លឹម ហុង
