ភ្នំពេញ៖ ស្ត្រីម្នាក់រួមជាមួយកូនប្រុសនិងចៅស្រី បានរងរបួសយ៉ាងដំណំនៅក្នុងឧប្បត្តិហេតុគ្រោះថ្នាក់ចរាចរណ៍មួយ ខណៈដែលពួកគាត់កំពុងជិះម៉ូតូឌុបគ្នាឆ្លងផ្លូវហើយត្រូវបានរថយន្ត១គ្រឿងដែលបើកបរដោយបុរសជនជាតិចិនម្នាក់ជ្រុលទៅបុកចំទទឹងខ្លួន។
ហេតុការណ៍នេះបានកើតឡើង កាលពីវេលាម៉ោង១១និង១៥នាទីព្រឹកថ្ងៃទី០៧ ខែឧសភា ឆ្នាំ២០២១ នៅលើផ្លូវរណបផ្លូវជាតិលេខ៤ ជិតវត្ជម្ពូវ័ន ស្ថិតនៅក្នុងភូមិថ្នល់បំបែក សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីប្រជាពលរដ្ឋបានឲ្យដឹងថា ជនរងគ្រោះដែលរងរបួសធ្ងន់និងស្រាលទាំង៣នាក់ខាងលើនោះរួមមានទី១,ឈ្មោះ តាក់ សុខុម ភេទស្រី អាយុ៤៩ឆ្នាំ ត្រូវជាម្តាយ ទី២,ឈ្មោះ ភាច ស្រីនី ភេទស្រី អាយុ៥ឆ្នាំ ត្រូវជាចៅ និងទី៣៣,ឈ្មោះ មាន តារា ភេទប្រុស អាយុ២៥ឆ្នាំ ត្រូវជាកូន រស់នៅក្បែរទីតាំងកើតហេតុនោះដែរ។ពួកគាត់ជិះម៉ូតូម៉ូតូម៉ាកហុងដាឃ្លីក ពណ៌ខ្មៅ ក្រហម ពាក់ស្លាកលេខ ភ្នំពេញ 1HD- 0317។ ចំណែករថយន្តម៉ាក REVO ពណ៌ស ពាក់ស្លាកលេខ ភ្នំពេញ 2BJ-5988 បើកបរដោយបុរសជនជាតិចិនម្នាក់។
ប្រភពដដែលបានបន្តឲ្យដឹងថា នៅមុនពេលកើតហេតុរថយន្តនិងម៉ូតូបានបើកបរធ្វើដំណើរក្នុងទិសដៅស្របគ្នាពីលិចទៅលើតតាមផ្លូវរណបផ្លូវជាតិលេខ៤នោះ។លុះពេលទៅដល់ចំណុចកើតហេតុម៉ូតូបានបត់ស្តាំដៃដើម្បីចូលផ្លូវលំដើម្បីទៅផ្ទះធ្វើឲ្យរថយន្តវាក់ក៏បានជ្រុលទៅដល់បុកចំទទឹងខ្លួនពេញទំហឹង បណ្ដាលឲ្យដួលរងរបួសទាំង៣នាក់តែម្ដង។ក្រោយពេលកើតហេតុជនរងគ្រោះត្រូវបានបញ្ជូនទៅព្យាបាលនៅមន្ទីរពេទ្យ ហើយបុរសជនជាតិចិនបានចេញថ្លៃព្យាបាលរបួសដល់ជនរងគ្រោះចំនួន៩០០ដុល្លារបញ្ចប់រឿងភ្លាមៗនៅនឹងតែម្ដង៕
សួង សាម
