ភ្នំពេញ÷នារីស្រស់ស្អាតម្នាក់ខឹងសុំម្តាយទៅលេងស្រុកកំណើតម្តាយមិនឲ្យទៅក៏ខឹងចិត្តមកលេបថ្នាំសម្លាប់ខ្លួននៅក្នុងបន្ទប់ជួលតែសំណាងល្អមិនស្លាប់ដោយម្តាយដឹកដើរកគ្រូពេទ្យដើម្បីជួយសង្គ្រោះខណះមកដល់មុខមន្ទីពេទ្យលោកសង្ឃនារីរងគ្រោះខាងលើក៏បានដឹងខ្លួនវិញ។
ហេតុការភ្ញាក់ផ្អើលនេះដែរបានកើតឡើងនៅវេលាម៉ោង ១១ និង ៣០នាទីយប់ថ្ងៃសុក្រទី៧ ខែឲសភា ឆ្នាំ២០២១ ស្តិតនៅតាមបណ្តោយផ្លូវបេតុង ចំណុច នៅក្រោយផ្សាឯករាជ ក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
ប្រភពព័ត៍មានពីម្តាយជនរងគ្រោះបានរៀបរាប់ឲ្យដឹងថានៅមុនពេលកើតហេតុកូនរបស់គាត់បានសុំទៅលេងស្រុកកំណើតនៅខេត្តព្រៃវែងតែដោយសារតែគាត់អត់លុយនិងក្លាចកូនឆ្លងជំងឺកូវីត ១៩ ពីគេហេតុនេះហើយទើបគាត់បានឃាត់កូនឲ្យនៅជាមួយ រងចាំដល់ពេលបើកលុយរួចចាំទៅលេងស្រុកទាំងអស់គ្នា ដោយឡែកកូនស្រីជាជនរងគ្រោះគាត់មិនស្តាប់តាមសម្តីម្តាយរួចឃើញម្តាយចេញទៅក្រៅបាត់ក៏រត់ចូលក្នុងបន្ទប់បានលេបថ្នាំសម្លាប់ខ្លួនជាច្រើនគ្រាប់សន្លប់នៅក្នុងបន្ទប់ឈឹងអត់ដឹងខ្លួន ស្រាប់តែមួយសន្ទុះក្រោយមកដោយម្តាយត្រឡប់មកវិញស្រាប់តែឃើញកូនសន្លប់អត់ដឹងខ្លួនក៏ភ័យស្លន់ស្លោស្រែកយំឲ្យនាក់ជិតខាងជួយលើកដាក់លើកង់បីដើម្បីយកទៅសង្គ្រោះដោយពួកគាត់បានជិះកង់បីដើរកមន្ទីពេទ្យជាច្រើន តែពេទ្យមិនព្រមទទួលដោយសារនាក់ជំងឺពេញអស់ បន្ទាប់មកម្តាយបានឲ្យកង់បីដឹកកូនស្រី ជិះមកពេទ្យលោកសង្ឃម្តងទៀតដើម្បីជួយសង្គ្រោះ ខណះមកដល់មុខពេទ្យកូនស្រីរបស់គាត់ក៏បានដឹងខ្លួនឡើងវិញទៅ។
បន្ទាប់ពីកូនរបស់គាត់បានដឹងខ្លួនក៏ស្ត្រីដែលជាម្តាយយុំអោបកូនទាំទឹកភ្នែករួចបានឲ្យកង់បីដឹកវិល ត្រឡប់ទៅផ្ទះវិញទៅ។
រក្សាសិទ្ធិដោយ ៖ សាមេត
